Увядзенне бязвізавага рэжыму павінна станоўча паўплываць на развіццё ўязнога турызму, аднак спачатку не трэба чакаць масавага наплыву замежных турыстаў. Такое меркаванне выказаў намеснік міністра спорту і турызму Міхаіл Партной на нарадзе ў Мінспорту, паведамілі БЕЛТА ў прэс-службе міністэрства.
На думку Міхаіла Партнога, падпісанне ўказа аб устанаўленні бязвізавага парадку ўезду і выезду грамадзян 80 замежных дзяржаў акажа станоўчы ўплыў на развіццё ўязнога турызму, актывізацыю міжнароднага супрацоўніцтва, гандлёва-эканамічных адносін.
Намеснік міністра выказаў меркаванне, што адразу не трэба чакаць масавага наплыву замежных турыстаў, спачатку гэта будуць індывідуальныя наведванні людзей так званага сярэдняга класа, для якіх кошт візы і працэдуры, звязаныя з яе афармленнем, з'яўляліся калі не праблемай, то лішняй перашкодай.
"Важна, каб усе нашы службы, дзяржаўныя органы і прадстаўнікі прыватнага бізнесу былі гатовы прыняць гасцей, прадаставіўшы ім комплекс паслуг. У нас з'яўляецца магчымасць адкрыць краіну для іншаземцаў, якія да гэтага не прыязджалі ў Беларусь, яны павінны адчуць гасціннасць з першых жа хвілін", - адзначыў Міхаіл Партной.
Указ нумар 8 "Аб устанаўленні бязвізавага парадку ўезду і выезду замежных грамадзян" уступіць у сілу з 12 лютага. Дакументам устанаўліваецца бязвізавы парадак уезду ў Беларусь на тэрмін не больш як 5 сутак пры ўездзе праз пункт пропуску праз Дзяржаўную граніцу Нацыянальны аэрапорт Мінск для грамадзян 80 дзяржаў. Указ распаўсюджваецца на 39 краін Еўропы, уключаючы ўвесь Еўрасаюз, а таксама Бразілію, Інданезію, ЗША, Японію і іншыя дзяржавы. У першую чаргу, гэта бяспечныя ў міграцыйным плане краіны, стратэгічныя партнёры Беларусі, дзяржавы, якія ў аднабаковым парадку ўстанавілі бязвізавы рэжым у адносінах да беларускіх грамадзян.
