Мабільная версія
ДЗЯРЖОРГАНЫ

Апошнія навіны
Усе навіны
Жанна Тарасевіч

Бізнес настроены на сумленную размову з уладай і грамадствам

Інтэрв'ю 15.02.2017 | 15:29
Жанна Тарасевіч Жанна Тарасевіч Дырэктар і сустаршыня праўлення Бізнес-саюза прадпрымальнікаў і наймальнікаў імя прафесара М.С.Куняўскага

У Беларусі прымаюцца меры па разняволенні дзелавой ініцыятывы. Канкрэтныя крокі ў гэтым напрамку былі абмеркаваны на нарадзе рабочай групы па пытаннях удасканалення кантрольнай дзейнасці і выключэння залішніх патрабаванняў да бізнесу, якая прайшла ў кіраўніка дзяржавы 14 лютага. Акрамя скарачэння колькасці праверак і спрашчэння заканадаўства, у час нарады прагучаў яшчэ адзін вельмі важны пасыл - бізнес павінен актыўней выступаць з прапановамі. Якія праблемы цяпер хвалююць прадпрымальнікаў, чаго бізнес чакае ад улады, а таксама якія пытанні будуць абмяркоўвацца на маючай адбыцца Асамблеі дзелавых колаў, карэспандэнту БЕЛТА расказала дырэктар і сустаршыня праўлення Бізнес-саюза прадпрымальнікаў і наймальнікаў імя прафесара М.С.Куняўскага Жанна Тарасевіч.

- Жанна Казіміраўна, на нарадзе ў Прэзідэнта размова ішла аб тым, што бізнесу трэба актыўней уносіць прапановы па развіцці гэтага сектара.

- Сапраўды, гэта вельмі важны пасыл, таму што бізнес сёння паводзіць сябе крыху пасіўна. Магчыма, гэта адбываецца з-за таго, што доўгі час прымаліся ўсё новыя і новыя нормы дзяржаўнага рэгулявання, павялічвалася колькасць праверак, маніторынгаў, патрабаванняў, а, адпаведна, колькасць штрафаў і пені - і прадпрымальнікі перасталі верыць, што можна штосьці змяніць. Але калі бізнесу паказваць рэальныя інструменты і тое, якім чынам яны могуць прыводзіць да змен, то мы можам атрымаць вельмі добры вынік.

- Яшчэ да пасяджэння ў кіраўніка дзяржавы рабочай групы Бізнес-саюз прадпрымальнікаў і наймальнікаў імя М.С.Куняўскага пачаў збіраць прапановы ад бізнесу. На якім этапе цяпер гэты працэс?

- У панядзелак, 13 лютага, мы ўжо завяршылі збор прапаноў ад прадпрымальнікаў. І хоць 13 лютага быў апошнім тэрмінам, прапановы паступаюць да гэтага часу. За тыдзень збору атрымалі больш за сотню прапаноў ад арганізацый і індывідуальных прадпрымальнікаў. Цяпер мы іх сістэматызуем.

- Калі разбіць гэтыя прапановы па групах, то што найбольш за ўсё хвалюе беларускі бізнес?

- Амаль 50 працэнтаў з іх датычацца змянення, а дакладней адмены санітарных норм і тэхнічных рэгламентаў. Каля 20-25 працэнтаў - гэта нормы, якія датычацца змяншэння або адмены розных адміністрацыйных працэдур. Таксама ёсць прапановы па змяншэнні колькасці ліцэнзуемых відаў дзейнасці - гэта амаль 10 працэнтаў. Яшчэ недзе 10 працэнтаў датычацца пытанняў удасканалення падатковага заканадаўства. Астатнія прапановы - гэта пытанні рознага ўзроўню, тут і ўдасканаленне сацыяльна-працоўных адносін, бізнес-адукацыі, цэнаўтварэння і іншыя.

- Як вы збіралі даныя і хто мог паўдзельнічаць у вашым апытанні?

- Мы зрабілі невялікую табліцу з трох частак. У першай частцы прадпрымальнік называў нарматыўна-прававы акт, які выклікае ў яго пытанні, і канкрэтна норму, якая яго не задавольвае. У другой агучвалася прапанова па адмене або змяненні гэтай нормы. Трэці момант - аргументацыя: прадпрымальнік растлумачваў, чаму ён не згодны з заканадаўствам. Гэта форма была даступна на нашым сайце, мы таксама разаслалі яе прыватным арганізацыям і апублікавалі інфармацыю ў СМІ. Прыслаць свае прапановы мог любы суб'ект гаспадарання незалежна ад формы ўласнасці. У нашым апытанні паўдзельнічалі як вялікія рэспубліканскія ўнітарныя прадпрыемствы, так і прыватны сектар. Пры гэтым актыўней за ўсіх былі малыя і сярэднія прадпрыемствы прыватнай формы ўласнасці.

- Што будзе далей з гэтымі прапановамі?

- Яны будуць сабраны ў адзін дакумент, структураваны па сферах (працоўныя адносіны, цэны, санітарныя правілы, тэхрэгламенты) і нарматыўна-прававых актах (закон, дэкрэт, указ, пастанова, загад). Пасля гэтага мы прадставім іх у рабочую групу і Міністэрства эканомікі. Гэту работу мы плануем завяршыць да канца тыдня. Лічу, у пятніцу дакумент ужо будзе накіраваны названым адрасатам.

- Жанна Казіміраўна, у пачатку сакавіка пройдзе важнае для прадпрымальнікаў мерапрыемства - Асамблея дзелавых колаў. Ці будзеце вы прымаць у ёй удзел? Чаго чакаеце ад мерапрыемства ў гэтым годзе?

- Мы плануем удзельнічаць у Асамблеі дзелавых колаў, акрамя таго, наш саюз прадстаўляў свае прапановы ў Нацыянальную платформу бізнесу. Яны, перш за ўсё, датычацца ўдасканалення фіскальнай палітыкі і пытанняў забеспячэння сумленнай канкурэнцыі. Ад асамблеі чакаем канструктыўнага дыялогу ўлады і бізнесу. Другі момант - чакаем актывізацыі самога бізнесу, асабліва ў плане змянення адносін да аб'яднанняў прадпрымальнікаў і асацыяцый. Толькі каля 10 працэнтаў прадпрымальнікаў цяпер аб'яднаны. Бізнес павінен паверыць у бізнес-асацыяцыі, і мы паспрабуем паказаць, што гэта важна і неабходна.

Рэзюмуючы, хачу адзначыць, што бізнес настроены на сумленную размову з уладай і грамадствам. І галоўнае, каб гэта размова ператварылася ў рэальныя справы.

Святлана МІХОВІЧ

Версія для друку
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Тэмпературныя рэкорды Беларусі 14 кастрычніка былі пабіты тэмпературныя рэкорды ў Мінску і ва ўсіх абласных цэнтрах, акрамя Брэста.