У Беларусі за 30 гадоў дасягнуты значныя вынікі ў розных сектарах эканомікі.ВУП Беларусі 2023 г. перавысіў $72 млрд. У доларавым эквіваленце адносна 1993 г. вырас у 4,1 раза.
ВУП па парытэце пакупной здольнасці на душу насельніцтва за 30 гадоў павялічыўся ў 6,5 раза - да $30,8 тыс.
Узровень золатавалютных рэзерваў за апошнія 20 гадоў павялічыўся ў 17 разоў.
Устойліва скарачаецца пазыковая нагрузка на эканоміку: валавы знешні доўг адносна ВУП знізіўся да 50,5% (па стане на 1 ліпеня 2024 г.), што значна менш за сусветны паказчык.
Забяспечана даступнасць крэдытаў для рэальнага сектара і насельніцтва: у 2024 г. стаўка рэфінансавання складае 9,5% гадавых (у 1994-м годзе - 480%).
Рэальныя грашовыя даходы насельніцтва за 30 гадоў выраслі ў 4,7 раза, рэальная заработная плата - у 6,6 раза.
У Беларусі адзін з самых нізкіх узроўняў малазабяспечанасці - 3,6%* (у сярэдзіне 1990-х гадоў за рысай беднасці знаходзіліся больш за 38% насельніцтва).
Узровень інфляцыі ў краіне не перавышае 6%** (у 1990-я гады - гіперінфляцыя, у 1993 г. індэкс спажывецкіх цэн перавышаў 2000%).
Даведачна:
Беларусь - малая адкрытая эканоміка, фарміруе 0,07% глабальнага ВУП (83-е месца сярод 193 краін).
*Узровень малазабяспечанасці ў Беларусі адзін з самых нізкіх не толькі сярод краін СНД, але і ў параўнанні з дзяржавамі ЕС.
**Дзякуючы праводзімай палітыцы па стрымліванні росту інфляцыі.
Крыніца: Міністэрства эканомікі.
