Брэсцкая вобласць у 2024 годзе адзначае 85-годдзе з дня ўтварэння.Указ Прэзідыума Вярхоўнага Савета СССР аб утварэнні вобласці быў падпісаны 4 снежня 1939 года.
У 1954 годзе межы вобласці значна пашырыліся за кошт далучэння шэрага раёнаў былых Баранавіцкай і Пінскай абласцей.
Брэсцкая вобласць сёння
Плошча - больш за 32,7 тыс. кв.км.
Насельніцтва - амаль 1,3 млн чалавек (на 1 студзеня 2024 года).
Буйнейшыя гарады вобласці - Брэст (342 тыс. чалавек), Баранавічы (172 тыс. чалавек) і Пінск (124 тыс. чалавек).
Брэсцкая вобласць - важны аграпрамысловы, турыстычны і транзітны рэгіён са значным эканамічным патэнцыялам.
Удзельная вага Брэсцкай вобласці ў ВУП краіны - 11,6 працэнта, ВРП рэгіёна - Br23 615,1 млн*.
У прамысловасці налічваецца больш за 1,8 тыс. прадпрыемстваў; у сельскай гаспадарцы - больш за 280 арганізацый.
Рэгіён мае значны прыродна-рэсурсны патэнцыял, унікальныя славутасці.
Вобласць лідзіруе ў краіне па плошчы асабліва ахоўных прыродных тэрыторый і аб'ектаў (больш за 15% ад агульнай плошчы вобласці).
Больш за 700 помнікаў уключаны ў Дзяржаўны спіс гісторыка-культурных каштоўнасцей Беларусі.
Два аб'екты - Белавежская пушча і Дуга Струвэ - унесены ў Спіс сусветнай спадчыны ЮНЕСКА.
Сімвалам нязломнай волі і гераізму ў гады Вялікай Айчыннай вайны стала Брэсцкая крэпасць-герой, якая атрымала вядомасць далёка за межамі Беларусі.
* За студзень - кастрычнік 2024 года.
Крыніцы: Брэсцкі аблвыканкам, Белстат, адкрытыя крыніцы
