Фота з архіва
28 снежня, Масква /Эдуард Півавар - БЕЛТА/. Зацверджаны бюджэт Саюзнай дзяржавы на 2025 год, адпаведнае рашэнне прынята Вышэйшым дзяржаўным саветам СД. Аб гэтым паведаміў журналістам дзяржаўны сакратар Саюзнай дзяржавы Дзмітрый Мезенцаў, перадае карэспандэнт БЕЛТА.
Дзяржсакратар адзначыў, што рашэннем лідараў Беларусі і Расіі Аляксандра Лукашэнкі і Уладзіміра Пуціна памер бюджэту ў будучым годзе чакаецца на 15,2 працэнта большы, чым у 2024-м. "Гэта, безумоўна, дазваляе прадоўжыць рэалізацыю сямі саюзных праграм, праектаў Саюзнай дзяржавы, сярод якіх рэстаўрацыя і музеефікацыя аб'ектаў Брэсцкай крэпасці-героя. Таксама запланавана правядзенне 41 мерапрыемства гуманітарнага, культурнага, адукацыйнага, спартыўнага напрамкаў. І, што асабліва важна, гэтыя сродкі будуць выкарыстаны на працягу ўсяго года для правядзення мерапрыемстваў, прысвечаных 80-годдзю Вялікай Перамогі", - падкрэсліў ён.
"Зацвярджэнне бюджэту ў такім аб'ёме сведчыць аб павелічэнні ролі саюзнага будаўніцтва, значнасці тых мер, якія прымаюць Беларусь і Расія, умацоўваючы сваё ўзаемадзеянне на карысць забеспячэння канкурэнтаздольнасці, тэхналагічнай незалежнасці, процідзеяння несправядліваму заходняму націску", - дадаў Дзмітрый Мезенцаў.
Бюджэт Саюзнай дзяржавы на 2025 год па даходах вызначаны ў суме 7,328 млрд расійскіх рублёў. Даходы бюджэту сфарміраваны за кошт штогадовых адлічэнняў з бюджэтаў Рэспублікі Беларусь і Расійскай Федэрацыі. У наступным годзе яны складуць 7,107 млрд расійскіх рублёў, у тым ліку 4,619 млрд расійскіх рублёў - адлічэнні Расійскай Федэрацыі і 2,487 млрд расійскіх рублёў - адлічэнні Рэспублікі Беларусь.
Акрамя таго, у саюзны бюджэт будуць уключаны даходы, атрыманыя дзяржаўнай установай "Тэлерадыёвяшчальная арганізацыя Саюзнай дзяржавы", і астатак сродкаў бюджэтаў Саюзнай дзяржавы мінулых гадоў у суме 220,9 млн расійскіх рублёў.
Расходы бюджэту Саюзнай дзяржавы на 2025 год запланаваны ў аб'ёме 6,943 млрд расійскіх рублёў. Сродкі саюзнага бюджэту будуць накіраваны на фінансаванне сямі праграм, двух праектаў і 41 мерапрыемства Саюзнай дзяржавы.
Бюджэт сфарміраваны з прафіцытам у суме 385,2 млн расійскіх рублёў, за кошт якога могуць быць прафінансаваны новыя праграмы, праекты і мерапрыемствы Саюзнай дзяржавы пасля іх зацвярджэння Саветам міністраў Саюзнай дзяржавы. Сярод іх праект Саюзнай дзяржавы "Стварэнне экспазіцыі музея на тэрыторыі мемарыяльнага комплексу "Буйніцкае поле", які распрацоўваецца.-0-
Дзяржсакратар адзначыў, што рашэннем лідараў Беларусі і Расіі Аляксандра Лукашэнкі і Уладзіміра Пуціна памер бюджэту ў будучым годзе чакаецца на 15,2 працэнта большы, чым у 2024-м. "Гэта, безумоўна, дазваляе прадоўжыць рэалізацыю сямі саюзных праграм, праектаў Саюзнай дзяржавы, сярод якіх рэстаўрацыя і музеефікацыя аб'ектаў Брэсцкай крэпасці-героя. Таксама запланавана правядзенне 41 мерапрыемства гуманітарнага, культурнага, адукацыйнага, спартыўнага напрамкаў. І, што асабліва важна, гэтыя сродкі будуць выкарыстаны на працягу ўсяго года для правядзення мерапрыемстваў, прысвечаных 80-годдзю Вялікай Перамогі", - падкрэсліў ён.
"Зацвярджэнне бюджэту ў такім аб'ёме сведчыць аб павелічэнні ролі саюзнага будаўніцтва, значнасці тых мер, якія прымаюць Беларусь і Расія, умацоўваючы сваё ўзаемадзеянне на карысць забеспячэння канкурэнтаздольнасці, тэхналагічнай незалежнасці, процідзеяння несправядліваму заходняму націску", - дадаў Дзмітрый Мезенцаў.
Бюджэт Саюзнай дзяржавы на 2025 год па даходах вызначаны ў суме 7,328 млрд расійскіх рублёў. Даходы бюджэту сфарміраваны за кошт штогадовых адлічэнняў з бюджэтаў Рэспублікі Беларусь і Расійскай Федэрацыі. У наступным годзе яны складуць 7,107 млрд расійскіх рублёў, у тым ліку 4,619 млрд расійскіх рублёў - адлічэнні Расійскай Федэрацыі і 2,487 млрд расійскіх рублёў - адлічэнні Рэспублікі Беларусь.
Акрамя таго, у саюзны бюджэт будуць уключаны даходы, атрыманыя дзяржаўнай установай "Тэлерадыёвяшчальная арганізацыя Саюзнай дзяржавы", і астатак сродкаў бюджэтаў Саюзнай дзяржавы мінулых гадоў у суме 220,9 млн расійскіх рублёў.
Расходы бюджэту Саюзнай дзяржавы на 2025 год запланаваны ў аб'ёме 6,943 млрд расійскіх рублёў. Сродкі саюзнага бюджэту будуць накіраваны на фінансаванне сямі праграм, двух праектаў і 41 мерапрыемства Саюзнай дзяржавы.
Бюджэт сфарміраваны з прафіцытам у суме 385,2 млн расійскіх рублёў, за кошт якога могуць быць прафінансаваны новыя праграмы, праекты і мерапрыемствы Саюзнай дзяржавы пасля іх зацвярджэння Саветам міністраў Саюзнай дзяржавы. Сярод іх праект Саюзнай дзяржавы "Стварэнне экспазіцыі музея на тэрыторыі мемарыяльнага комплексу "Буйніцкае поле", які распрацоўваецца.-0-
Падпісвайцеся на нас у
