12 мая, Мінск /Кар. БЕЛТА/. Замежныя інвестары за студзень-сакавік 2020 года ўклалі $2,8 млрд інвестыцый у рэальны сектар эканомікі (акрамя банкаў), паведамілі БЕЛТА ў Нацыянальным статыстычным камітэце.
Асноўнымі інвестарамі арганізацый Беларусі былі суб'екты гаспадарання Расіі (35,7 працэнта ад усіх інвестыцый, якія паступілі), Кіпра (15 працэнтаў) і Аўстрыі (8,4 працэнта).
Паступленне прамых замежных інвестыцый склала $2,1 млрд, або 75,1 працэнта ад усіх замежных інвестыцый, якія паступілі.
Арганізацыі Беларусі (акрамя банкаў) у першым квартале накіравалі за мяжу інвестыцый на суму $1,5 млрд. Значныя аб'ёмы інвестыцый накіраваны суб'ектам гаспадарання Расіі (81,4 працэнта ад усіх накіраваных інвестыцый), Украіны (6,1 працэнта), Злучанага Каралеўства Вялікабрытаніі і Паўночнай Ірландыі (5,2 працэнта). На долю прамых інвестыцый прыпадала 95,6 працэнта ўсіх накіраваных інвестыцый за мяжу.-0-.
