ДЗЯРЖОРГАНЫДЗЯРЖОРГАНЫ
Флаг Аўторак, 7 лютага 2023
Мінск -3°C
Усе навіны
Усе навіны
Эканоміка
30 лістапада 2022, 09:27

Залежнасць ад сістэм разлікаў з выкарыстаннем банкаўскіх картак хочуць знізіць у Беларусі

Фота з архіва
Фота з архіва

30 лістапада, Мінск /Кар. БЕЛТА/. Залежнасць ад сістэм разлікаў з выкарыстаннем банкаўскіх картак хочуць знізіць у Беларусі. Аб гэтым гаворыцца ў зацверджаных указам Прэзідэнта Асноўных напрамках грашова-крэдытнай палітыкі на 2023 год, паведамляе БЕЛТА.

"Развіццё альтэрнатыўных спосабаў плацяжоў і зніжэнне залежнасці ад сістэм разлікаў з выкарыстаннем банкаўскіх плацежных картак, у тым ліку міжнародных, будуць з'яўляцца прыярытэтнымі напрамкамі развіцця плацежнага рынку", - гаворыцца ў дакуменце ў главе аб фарміраванні празрыстага і камфортнага бізнес-асяроддзя.

У 2023 годзе запланавана далейшае ўдасканаленне сістэмы імгненных плацяжоў шляхам запуску сэрвісу, што дае магчымасць праводзіць імгненныя плацяжы паміж фізічнымі асобамі ўнутры Беларусі, а таксама трансгранічныя імгненныя плацяжы праз узаемадзеянне сістэмы імгненных плацяжоў Нацыянальнага банка і сістэмы хуткіх плацяжоў Цэнтральнага банка Расійскай Федэрацыі.

"Дадаткова плануецца пачаць работы па пашырэнні функцыяналу сістэмы імгненных плацяжоў у частцы правядзення плацяжоў фізічных асоб на карысць юрыдычных асоб і індывідуальных прадпрымальнікаў для аплаты тавараў (работ, паслуг), плацяжоў юрыдычных асоб і індывідуальных прадпрымальнікаў на карысць фізічных асоб, а таксама плацяжоў фізічных асоб на карысць дзяржаўных органаў для аплаты плацяжоў у рамках выканання падатковых, бюджэтных і іншых абавязацельстваў", - прадугледжана ў АНГКП.

Прадоўжыцца таксама работа па ўдасканаленні тэхналогіі абмену фінансавай інфармацыяй пры ажыццяўленні валютных аперацый на тэрыторыі Беларусі.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі