17 жніўня, Мінск /Кар. БЕЛТА/. Вытворчасць прадукцыі сельскай гаспадаркі ў гаспадарках усіх катэгорый (сельскагаспадарчых арганізацыях, сялянскіх (фермерскіх) гаспадарках, гаспадарках насельніцтва) у студзені - ліпені 2020 года склала Br9,9 млрд і павялічылася ў параўнанні з аналагічным перыядам 2019-га ў супастаўных цэнах на 2,8 працэнта, паведамілі БЕЛТА ў Нацыянальным статыстычным камітэце.
У сельскагаспадарчых арганізацыях выраблена прадукцыі на Br9,5 млрд, або ў супастаўных цэнах на 3,3 працэнта больш, чым у студзені - ліпені папярэдняга года.
У гаспадарках усіх катэгорый выгадавана 1,086 млн т жывёлы і птушкі ў жывой вазе (на 4,9 працэнта больш, чым у адпаведным перыядзе 2019-га), у тым ліку ў сельгасарганізацыях - 1,047 млн т (на 5,4 працэнта больш). Малака атрымана 4,562 млн т (на 5,5 працэнта больш), у тым ліку ў сельгасарганізацыях - 4,417 млн т (на 6,1 працэнта больш).
На 1 жніўня ў сельскагаспадарчых арганізацыях колькасць буйной рагатай жывёлы склала 4,2 млн галоў (99,5 працэнта да ўзроўню на аналагічную дату 2019 года), у тым ліку кароў - 1,4 млн галоў (на 0,2 працэнта больш). Колькасць свіней склала 2,6 млн галоў, што на 2,3 працэнта больш, чым на 1 жніўня папярэдняга года.-0-