Фота з архіва
8 лютага,
Ташкент /Кар. БЕЛТА/. Узбекістан хоча
выпрабаваць беларускую бульбу і ўжо
заказаў першую партыю. Аб гэтым паведаміў
журналістам міністр сельскай гаспадаркі
Узбекістана Ібрахім Абдурахмонаў,
перадае карэспандэнт БЕЛТА.
"Беларускі вопыт для нас вельмі цікавы. Там працуе вельмі добрая навуковая супольнасць, выводзяцца новыя сарты плодаагароднінных культур. Мы вырошчваем бульбу, але ўраджайнасць ніжэйшая ў некалькі разоў. І мы цяпер маем намер выпрабаваць сарты беларускай бульбы. Хутка будзе пастаўка, у гэтым сезоне пачнём вырошчваць - выпрабоўваць новыя сарты", - расказаў Ібрахім Абдурахмонаў.
Міністр сельскай гаспадаркі і харчавання Беларусі Сяргей Барташ удакладніў, што пастаўка ва Узбекістан будзе ажыццёўлена літаральна гэтымі днямі. Партнёры ўжо аплацілі 20 т розных сартоў бульбы. Далейшае супрацоўніцтва ў гэтай галіне будзе залежаць ад выніку. Але ў цэлым патрэбнасць у бульбе ва Узбекістане не закрыта.-0-