21 лютага, Мінск /Кар. БЕЛТА/. Уступленне Беларусі ў Сусветную гандлёвую арганізацыю не нясе вялікіх рызык для айчыннага прамысловага сектара, заявіў сёння журналістам міністр прамысловасці Павел Уцюпін перад пасяджэннем калегіі міністэрства, перадае карэспандэнт БЕЛТА.
"Для нас выклікаў вялікіх ужо не будзе. Сёння мы, па сутнасці, працуем па правілах СГА, усе рызыкі ўжо рэалізаваны", - адзначыў Павел Уцюпін.
У прыватнасці, размова ідзе аб дамоўленасцях аб абавязацельствах Беларусі ў Еўразійскім эканамічным саюзе. "Адпаведна, дэ-факта мы знаходзімся ў СГА, дэ-юрэ, вядома, ёсць пытанні" - сказаў міністр.
На яго думку, пераваг уступлення ў сусветную гандлёвую арганізацыю значна больш, чым рызык, паколькі з'явіцца больш магчымасцей юрыдычна абараніць інтарэсы беларускіх вытворцаў, калі іх прадукцыю не дапускаюць на замежныя рынкі.
Як паведамлялася, Беларусь разлічвае далучыцца да СГА ў 2020 годзе.-0-
