ДЗЯРЖОРГАНЫДЗЯРЖОРГАНЫ
Флаг Панядзелак, 5 снежня 2022
Мінск Суцэльная воблачнасць -7°C
Усе навіны
Усе навіны
Эканоміка
12 лютага 2021, 11:31

Урад зробіць усё неабходнае для развіцця ІТ-сферы - Галоўчанка

Выступае Раман Галоўчанка
Выступае Раман Галоўчанка

12 лютага, Мінск /Кар. БЕЛТА/. Урад зробіць усё неабходнае для развіцця ІТ-сферы, заявіў прэм'ер-міністр Раман Галоўчанка сёння на VI Усебеларускім народным сходзе, перадае карэспандэнт БЕЛТА.

"Вялікі патэнцыял сканцэнтраваны ў сферы паслуг. Мы далёка рушылі наперад у ІТ-сферы. Зробім усё неабходнае, каб гэту дынаміку захаваць", - сказаў Раман Галоўчанка.

Нараўне з павышэннем якасці медыцынскіх і іншых паслуг для насельніцтва ўрад хоча павялічыць іх экспарт у пяцігодцы ў 1,5 раза. "У выніку сфера паслуг складзе больш за палавіну эканомікі, а навукаёмістыя галіны гэтай сферы (IT, адукацыя, навука, ахова здароўя) - пятую частку. Разлічваем да канца пяцігоддзя выйсці на экспарт паслуг да $12 млрд", - адзначыў прэм'ер-міністр.

Паводле яго слоў, развіты IT-сектар дасць магчымасць маштабна ўкараняць "лічбу" - ад інфраструктурных пытанняў і навуковага забеспячэння да інфарматызацыі ў традыцыйных галінах і сферы паслуг. Укараненне ў Беларусі 5G павінна дапамагчы ў развіцці лічбавых тэхналогій.

Па праекце электроннага ўрада ў лічбавы фармат хочуць перавесці шэраг паслуг для бізнесу і грамадзян. Напрыклад, прадпрымальнікі змогуць не выходзячы з офіса зрабіць дзяржрэгістрацыю права на нерухомую маёмасць, зямельныя ўчасткі, афармляць ліцэнзіі, атрымліваць дазволы на размяшчэнне рэкламы і г.д. Са з'яўленнем ідэнтыфікацыйных электронных картак у грамадзян з'явіцца магчымасць весці праз асабісты кабінет афіцыйную перапіску з дзяржорганамі, заказваць даведкі, дакументы без наведвання дзяржорганаў. Раман Галоўчанка анансаваў, што паўсюдна будуць укаранёны электронныя карткі пацыентаў, даступны сэрвіс дыстанцыйнага маніторынгу здароўя.

Да 2025 года ў Беларусі будзе пабудавана больш за 21 млн кв.м жылля, з якіх не менш з 4 млн кв.м прыпадзе на электрадамы. Долю індывідуальнага жылля плануюць павялічыць да 40 працэнтаў.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі