5 жніўня, Мінск /Кар. БЕЛТА/. Савет Міністраў выдзеліў Мінсувязі сродкі пазабюджэтнага цэнтралізаванага інвестыцыйнага фонду на агульную суму Br2,5 млн для навукова-даследчых і доследна-канструктарскіх работ, а таксама работ у галіне тэхнічнага нарміравання і стандартызацыі. Адпаведная пастанова ад 3 жніўня 2020 года нумар 460 сёння афіцыйна апублікавана на Нацыянальным прававым інтэрнэт-партале, паведамляе БЕЛТА.
Згодна з дакументам, Інстытут прыкладных праграмных сістэм атрымае Br1,2 млн на стварэнне адзінай (інтэграванай) рэспубліканскай аўтаматызаванай сістэмы ўліку і апрацоўкі зваротаў грамадзян і юрыдычных асоб. ААТ "Дзіпрасувязь" выдзелена Br148,2 тыс. на распрацоўку тэхнічных нарматыўна-прававых актаў у галіне тэхнічнага нарміравання і стандартызацыі.
Як паведамлялася раней, у маі бягучага года ўрад накіраваў з пазабюджэтнага цэнтралізаванага інвестыцыйнага фонду Мінсувязі Br1,16 млн для навукова-даследчых і доследна-канструктарскіх работ. Цяпер сума павялічана да Br2,5 млн, а таксама дабаўлены два новыя праекты.
Пастанова ўступае ў сілу пасля яе афіцыйнага апублікавання і распаўсюджвае сваё дзеянне на адносіны, што ўзніклі з 22 мая 2020 года.-0-
