Мабільная версія
ДЗЯРЖОРГАНЫ

Апошнія навіны
Усе навіны

Урад будзе больш строга падыходзіць да ацэнкі работы дырэктараў прадпрыемстваў - Румас

Эканоміка 08.02.2019 | 09:34
Фота з архіва
Фота з архіва

8 лютага, Рым /Кар. БЕЛТА/. Урад будзе больш строга падыходзіць да ацэнкі работы дырэктараў прадпрыемстваў. Аб гэтым заявіў 7 лютага прэм'ер-міністр Беларусі Сяргей Румас, гаворачы аб прымаемых мерах па выніках нарады кіраўніка дзяржавы з эканамічным блокам 5 лютага, перадае карэспандэнт БЕЛТА.

"Абсалютна мае рацыю кіраўнік дзяржавы - неабходна больш строга падыходзіць да ацэнкі работы дырэктараў прадпрыемстваў. Гэта не нармальная сітуацыя, калі адны і тыя ж людзі абяцаюць, не выконваюць і потым звяртаюцца за новай порцыяй падтрымкі. Таму, напэўна, з кімсьці з кіраўнікоў гэтых прадпрыемстваў давядзецца расстацца, каб новыя людзі маглі з чыстага ліста падпісацца пад абавязацельствамі, якія прадугледжваюць строгае вяртанне ўкладзеных краінай, камерцыйнымі банкамі сродкаў у рэалізацыю тых ці іншых праектаў", - сказаў Сяргей Румас.

Прэм'ер-міністр падзяляе пазіцыю, што трэба наогул адыходзіць ад практыкі аказання дзяржпадтрымкі прадпрыемствам. "Бо па некаторых прадпрыемствах дзяржпадтрымка сапраўды аказваецца другі або трэці раз, таму ўрад зробіць вывады з гэтай сітуацыі", - запэўніў ён.

Паводле яго слоў, за амаль паўгода работы ўрад унёс каля пяці прапаноў аб аказанні дзяржаўнай падтрымкі вялікім сістэмаўтваральным прадпрыемствам. Разам з тым, як растлумачыў Сяргей Румас, гэтыя прапановы не прадугледжвалі выдзялення новых аб'ёмаў фінансавання. "Па кожным з гэтых прадпрыемстваў 2-3 гады таму было прынята рашэнне аб прадастаўленні ім дзяржпадтрымкі з пэўнымі графікамі яе вяртання. Цяпер насталі тэрміны вяртання сродкаў, але мы бачым, што прадпрыемствы ў сённяшніх умовах не могуць у адзін момант вярнуць гэту дзяржаўную падтрымку, на гэта ёсць шэраг прычын", - расказаў прэм'ер-міністр.

Просьба ўрада заключаецца ў тым, каб перспектыўным прадпрыемствам прадаставіць большую адтэрміноўку па вяртанні раней выдадзеных крэдытаў. У якасці прыкладу Сяргей Румас прывёў прадпрыемства "Гомельшкло", 2018 год яно скончыла з добрай рэнтабельнасцю - каля 27 працэнтаў. Але нават такая высокая рэнтабельнасць не дала магчымасці яму на працягу трох гадоў вярнуць сродкі, якія былі ўкладзены ў мадэрнізацыю. "Урад правёў перагаворы з усімі камерцыйнымі банкамі, якія ўдзельнічалі ў мадэрнізацыі прадпрыемства, знайшоў з імі разуменне. Сёння гэтыя крэдыты абслугоўваюцца, некаторыя нават датэрмінова пагашаюцца, але разам з тым у адзін момант пагасіць усю крэдытную завінавачанасць прадпрыемства не можа. Таму пасля глыбокай прапрацоўкі і дасягнення дамоўленасці паміж банкамі, урадам і бюджэтам комплексны пакет дакументаў унесены на разгляд кіраўніка дзяржавы", - адзначыў прэм'ер-міністр.-0-

Версія для друку
Навіны рубрыкі Эканоміка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Рота інфармацыйных тэхналогій Функцыянальнае прызначэнне РІТ - распрацоўка сістэмнага і праграмнага забеспячэння сумесна з падраздзяленнямі Ваеннай акадэміі і іншымі навуковымі і навучальнымі ўстановамі.