30 снежня, Мінск /Кар. БЕЛТА/. На пляцоўцы Мінэканомікі адбылося апошняе ў бягучым годзе пасяджэнне рабочых падгруп па зніжэнні адміністрацыйнай нагрузкі на бізнес, паведамілі БЕЛТА ў прэс-службе міністэрства.
"У пачатку нашай работы па выкананні задачы кіраўніка дзяржавы па татальным пераглядзе і аптымізацыі адміністрацыйных працэдур мы не чакалі такой жывой, канструктыўнай і актыўнай дыскусіі паміж дзяржорганамі, сенатарамі, дэпутатамі і бізнес-супольнасцю. Усяго за два месяцы на пляцоўцы Мінэканомікі мы сумесна прааналізавалі каля 450 адміністрацыйных працэдур. Падводзячы вынік першага этапу работы, можна з упэўненасцю сказаць, што дзякуючы прадукцыйна выбудаванаму дыялогу былі прыняты ўзгодненыя рашэнні па скарачэнні і спрашчэнні больш як 70 працэнтаў разгледжаных адміністрацыйных працэдур", - падкрэсліў намеснік міністра эканомікі Сяргей Міцянскі.
Работа па зніжэнні адміністрацыйнай нагрузкі на бізнес будзе прадоўжана і ў наступным годзе.-0-
