3 сакавіка, Мінск /Кар. БЕЛТА/. У конкурсе "Прадпрымальнік года" з'явіцца намінацыя "Эфектыўны індывідуальны бізнес". Адпаведная пастанова Савета Міністраў ад 27 лютага 2020 года нумар 121 афіцыйна апублікавана сёння на Нацыянальным прававым інтэрнэт-партале, паведамляе БЕЛТА.
Да гэтага ў конкурсе было чатыры намінацыі - "Паспяховы старт", "Стабільны поспех", "Эфектыўны бізнес у сферы вытворчасці", "Эфектыўны бізнес у сферы паслуг".
У намінацыі "Эфектыўны індывідуальны бізнес" могуць прэтэндаваць на перамогу індывідуальныя прадпрымальнікі, з дня дзяржаўнай рэгістрацыі якіх у Беларусі да года правядзення конкурсу прайшло не менш за тры гады.
Пераможцы ў намінацыях "Паспяховы старт", "Стабільны поспех", "Эфектыўны бізнес у сферы вытворчасці", "Эфектыўны бізнес у сферы паслуг" заахвочваюцца прэміяй у памеры 100 базавых велічынь, у намінацыі "Эфектыўны індывідуальны бізнес" - прэміяй у памеры 50 базавых велічынь (1 БВ цяпер - Br27).-0-
