23 лістапада, Мінск /Кар. БЕЛТА/. Намеснік міністра сельскай гаспадаркі і харчавання Вадзім Шагойка ў праекце "Краіна гаворыць" на YouTube-канале БЕЛТА расказаў, у чым перавага ўзбуйнення сельгаспрадпрыемстваў.
"Палітыка дзяржавы ідзе да ўзбуйнення сельгаспрадпрыемстваў. Ёсць прыклады эфектыўнай вытворчасці. Стварэнне холдынгаў - гэта яшчэ адзін варыянт вырашэння такога паняцця справядлівасці ў эканоміцы. Гэта значыць дзякуючы стварэнню вось гэтых холдынгаў можна выкарыстоўваць справядлівае размеркаванне прыбытку", - сказаў Вадзім Шагойка.
Ён дадаў: "У многім перапрацоўчая галіна за кошт экспарту прадукцыі можа кампенсаваць узровень росту цэн у краіне. Пры гэтым мы разумеем, што перапрацоўка атрымліваецца з высокай маржынальнасцю, атрымліваецца прыбытак. Калі работа ідзе ў рамках холдынга, перапрацоўшчык зацікаўлены ва ўмацаванні і развіцці сваёй сыравіннай зоны. Стварэнне холдынга і садзейнічае больш справядліваму размеркаванню прыбытку. Гэта значыць не асяданне яго ў асобных нейкіх акцыянерных таварыствах, якія накіраваны толькі на атрыманне прыбытку, але і на развіццё ў цэлым сыравіннай зоны".
Вадзім Шагойка адзначыў, што ўся палітыка ў Беларусі пабудавана такім чынам, што не патрэбны чысты перапрацоўшчык, які гатовы перапрацаваць сыравіну і вывезці прадукт за мяжу, патрэбны перапрацоўшчык, які будзе ствараць і развіваць сваю сыравінную базу.
Праект створаны за кошт сродкаў мэтавага збору на вытворчасць нацыянальнага кантэнту.-0-
