ДЗЯРЖОРГАНЫДЗЯРЖОРГАНЫ
Флаг Субота, 28 мая 2022
Мінск +11°C
Усе навіны
Усе навіны
Эканоміка
28 студзеня 2022, 10:53

У Беларусі вызначаны парадак фінансавання мерапрыемстваў лясной і паляўнічай гаспадаркі

Фота з архіва
Фота з архіва

28 студзеня, Мінск /Кар. БЕЛТА/. У Беларусі вызначаны парадак фінансавання мерапрыемстваў па вядзенні лясной і паляўнічай гаспадаркі. Адпаведнае палажэнне зацверджана пастановай Савета Міністраў ад 26 студзеня 2022 года нумар 44, якая сёння афіцыйна апублікавана на Нацыянальным прававым інтэрнэт-партале, паведамляе БЕЛТА.

Гэтым палажэннем вызначаецца парадак фінансавання мерапрыемстваў па вядзенні лясной і паляўнічай гаспадаркі ў 2022 годзе юрыдычнымі асобамі, якія вядуць лясную гаспадарку, за кошт плацяжоў за лесакарыстанне, вылічаных па тэрмінах выплаты ў 2022 годзе (за выключэннем плацяжоў, вылічаных арганізацыямі, падпарадкаванымі Мінлясгасу), паступленняў ад рэалізацыі лясной прадукцыі, ад вядзення паляўнічай гаспадаркі, а таксама сум пеняў, што выплачваюцца лесакарыстальнікамі за прадастаўленне юрыдычнымі асобамі адтэрміноўкі на правядзенне высечак лесу і вывазку драўніны, не высечанай і не вывезенай ва ўстаноўлены тэрмін.

"Да паступленняў ад вядзення паляўнічай гаспадаркі належаць паступленні ад правядзення паляўнічых тураў, аказання паслуг паляўнічых комплексаў, у тым ліку ў рамках замежнага турызму, уключаючы арганізацыю экскурсій у вальеры для ўтрымання дзікіх жывёл, экалагічнага турызму, аплаты паляўнічых пуцёвак і дазволаў на здабычу паляўнічых жывёл і паляўнічых пуцёвак да іх, плата за праходжанне спецыяльнага паляўнічага экзамену, іншыя паступленні ад вядзення паляўнічай гаспадаркі", - гаворыцца ў дакуменце.

Згодна з палажэннем, гэтыя паступленні могуць накіроўвацца на фінансаванне наступных мерапрыемстваў па вядзенні лясной і паляўнічай гаспадаркі. А іх астатак на канец фінансавага года будзе накіроўвацца на фінансаванне мерапрыемстваў у наступным фінансавым годзе ў адпаведнасці з заканадаўствам.

Пастанова ўступае ў сілу з дня яе прыняцця і распаўсюджвае сваё дзеянне на адносіны, якія ўзніклі з 1 студзеня 2022 года.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі