У Беларусі ўбралі амаль 20 працэнтаў збожжавых і зернебабовых культур

28 ліпеня, Мінск /Кар. БЕЛТА/. У Беларусі ўбралі 19 працэнтаў плошчаў збожжавых і зернебабовых культур (без кукурузы, грэчкі і проса), што складае 378 тыс. га. Аб гэтым паведамілі БЕЛТА у прэс-службе Мінсельгасхарча.

"Паводле аператыўных даных, на 28 ліпеня са збожжавых палёў краіны намалочана 1 млн 612 тыс. т збожжа.  Сярэдняя ўраджайнасць вышэйшая за папярэдні год на 8,8 ц/га", - расказалі ў ведамстве.

Уклад у агульны каравай кожнай вобласці склаў: Брэсцкая - 453 тыс. т, Віцебская - 69 тыс. т, Гомельская - 185 тыс. т, Гродзенская - 402 тыс. т, Мінская - 372 тыс. т, Магілёўская - 131 тыс. т.

Азімы ячмень убраны на 93 працэнтах плошчаў. Намалочана 903 тыс. т ураджайнасцю 39,8 ц/га, што таксама вышэй за мінулагодні паказчык на 7,5 ц/га. Азімы рапс на зерне ўбраны на 135 тыс. га (36 працэнтаў усёй плошчы), з якіх намалочана 284,5 тыс. т.

Выцераблена лёну на 15 тыс. га, што складае 31 працэнт запланаваных плошчаў.

Скошана траў другога ўкосу на плошчы 760 тыс. га (71 працэнт плана), нарыхтавана сена больш за 273 тыс. т (38 працэнтаў плана), сенажу - 10 млн 657 тыс. т (76 працэнтаў плана), у тым ліку ў палімернай упакоўцы 289 тыс. т.-0-