ДЗЯРЖОРГАНЫДЗЯРЖОРГАНЫ
Панядзелак, 20 студзеня 2020
Мінск Суцэльная воблачнасць +2°C
Усе навіны
Усе навіны
Эканоміка
24 верасня 2019, 14:16

У Беларусі стануць будаваць больш дамоў з электраацяпленнем

Фота з архіва
Фота з архіва

24 верасня, Мінск /Кар. БЕЛТА/. У Беларусі ў бліжэйшыя гады чакаецца ўсплёск будаўніцтва жылля з электраацяпленнем, заявіў сёння журналістам на адкрыцці міжнароднай будаўнічай выстаўкі "Будпрагрэс" віцэ-прэм'ер Уладзімір Кухараў, перадае карэспандэнт БЕЛТА.

Паводле слоў Уладзіміра Кухарава, Міністэрства архітэктуры і будаўніцтва правяло вялікую работу па пераводзе праектаў жылых дамоў на выкарыстанне электрычнай энергіі. З Міністэрствам энергетыкі вырашаецца пытанне забеспячэння аб'ектаў неабходнай колькасцю электраэнергіі, уводу ў эксплуатацыю дадатковых падстанцый.

"Сёння ў частцы будаўніцтва ніякіх праблем няма", - адзначыў віцэ-прэм'ер.

Урад разлічвае, што электрычнае ацяпленне будзе шырэй выкарыстоўвацца і пры індывідуальным жыллёвым будаўніцтве. "Думаю, у бліжэйшы час убачым значны ўсплёск будаўніцтва такога жылля", - адзначыў Уладзімір Кухараў.

Штогадовы будаўнічы форум праходзіць у Футбольным манежы па 27 верасня. Свае навінкі на выстаўцы прадставілі больш як 150 вядучых будаўнічых кампаній з Беларусі, Польшчы, Кітая, Літвы, Бельгіі, Расіі, Украіны і іншых краін. Тэматычнае напаўненне экспазіцыі ахоплівае практычна ўсе напрамкі будаўніцтва, праектавання, дызайну, добраўпарадкавання і азелянення тэрыторый. Амаль 30 удзельнікаў прадэманструюць буйна- і малагабарытную будаўнічую і дарожную тэхніку.

Неад'емнай часткай выстаўкі стане праграма дзелавых мерапрыемстваў, якая будзе цікавая ўсім, хто звязаны з будаўніцтвам, архітэктурай і дызайнам, вытворчасцю і продажам абсталявання, інжынерных сетак, матэрыялаў і раслін для афармлення і дэкору.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі