22 жніўня, Мінск /Кар. БЕЛТА/. У Беларусі намалацілі 6,7 млн т збожжа. Аб гэтым карэспандэнту БЕЛТА паведамілі ў Міністэрстве сельскай гаспадаркі і харчавання.
Паводле даных аператыўнай інфармацыі, на раніцу 22 жніўня ў цэлым па краіне збожжавыя і зернебабовыя культуры (без кукурузы, грэчкі і проса) убраны з 1,812 млн га, што складае 85,2 працэнта ад плана. У Брэсцкай вобласці ўбрана 99,9 працэнта плошчаў (346 тыс. га), Віцебскай - 71,4 працэнта (253,6 тыс. га), Гомельскай - 87,7 працэнта (298,9 тыс. га), Гродзенскай - 84,1 працэнта (256,7 тыс. га), Мінскай - 87,1 працэнта (390,7 тыс. га), Магілёўскай - 80,5 працэнта (266,8 тыс. га).
У краіне намалочана 6,779 млн т збожжа пры сярэдняй ураджайнасці 37,4 ц/га. Ураджайнасць вышэйшая, чым за аналагічны перыяд мінулага года. У 2021 годзе яна склала 30,7 ц/га.
Азімы рапс на зерне ўбралі з 302,2 тыс. га, што складае 98,1 працэнта да ўборачнай плошчы, намалацілі 803,6 тыс. т пры сярэдняй ураджайнасці 26,6 ц/га.
Піваварны ячмень убралі з 41,8 тыс. га - гэта 76,5 працэнта ад плана, намалацілі 159,3 тыс. т пры сярэдняй ураджайнасці 38,1 ц/га, а ў мінулым годзе на гэты перыяд было 32,2 ц/га.
Лён выцераблены на 43,7 тыс. га, што складае 98,7 працэнта ўборачнай плошчы.
Другі ўкос траў праведзены на 867,9 тыс. га (85 працэнтаў ад плана). Нарыхтавана 742,5 тыс. т сена (77,7 працэнта ад плана), 11,928 млн т сенажу (88,8 працэнта) і 388,2 тыс. т сіласу (2,03 працэнта).-0-
