Мабільная версія
ДЗЯРЖОРГАНЫ

Апошнія навіны
Усе навіны

Тэхналогіі лічбавай вытворчасці ўкарэняць у Беларусі на дзвюх пляцоўках

Эканоміка 17.09.2019 | 14:39
Фота з архіва
Фота з архіва

17 верасня, Мінск /Кар. БЕЛТА/. Праекты па лічбавай трансфармацыі вытворчасцей у Беларусі плануецца рэалізаваць на дзвюх пляцоўках, паведаміў намеснік міністра прамысловасці Сяргей Гунько на панэльнай дыскусіі "Інвесціраванне ў будучыню" на Беларускім прамыслова-інвестыцыйным форуме, перадае карэспандэнт БЕЛТА.

"У бліжэйшы час мы гатовы пачаць праект стварэння на дзвюх выбраных пляцоўках лічбавых вытворчасцей. На працягу 2,5 года такія планы ў нас закладзены", - адзначыў Сяргей Гунько.

Пасля апрабацыі бізнес-працэсаў на практыцы іх прапануецца маштабаваць на ўвесь прамысловы комплекс краіны. Наступны крок - укараненне ЕRP-сістэмы кіравання, рыхтуецца праект нарматыўнага прававога акта, які прадугледжвае такую магчымасць.

У цэлым, паводле слоў Сяргея Гунько, прамысловаму комплексу Беларусі неабходна больш актыўна прымяняць тэхналогіі Індустрыі 4.0. Напрыклад, у Расіі больш як 800 прамысловых прадпрыемстваў падышлі да таго, каб атрымаць лічбавы праект сваёй прадукцыі, правялі бізнес-дыягностыку працэсаў. "У рэспубліцы таксама ёсць прадпрыемствы, якія ўкараняюць гэтыя сістэмы, але пакуль поўнамаштабнага пераходу да лічбавай вытворчасці няма", - адзначыў ён.

Намеснік міністра дадаў, што такія рашэнні патрабуюць сур'ёзных фінансавых укладанняў. Цяпер дасягнуты дамоўленасці з кампаніямі, якія гатовы распрацаваць праграмны прадукт для мадэрнізацыі дзеючых працэсаў.

Беларускі прамыслова-інвестыцыйны форум праходзіць у Мінску 17-20 верасня. Гэта адзін з буйнейшых выставачных праектаў у СНД, які аб'ядноўвае некалькі міжнародных спецыялізаваных выставак у галіне навукова-тэхнічнага развіцця і сучасных тэхналогій - "ТэхІнаПрам", "Прафзварка", "Хімія. Нафта і газ", "Пластэх". У час мерапрыемства таксама пройдуць беларуска-японскі і беларуска-славацкі эканамічныя форумы, індыйска-беларускі дзелавы і тэхналагічны форум. Праграма ўключае міжнародныя сімпозіумы, канферэнцыі, круглыя ​​сталы па сучасных тэхналогіях і абсталяванні для прамысловага комплексу, перспектывах развіцця адытыўных тэхналогій, прымянення кампазіцыйных матэрыялаў у нафтахімічнай галіне. Адбудуцца біржы субкантрактаў у прамысловасці, кірмаш інавацыйных распрацовак, кааперацыйная біржа "Навука і прамысловасць - стратэгія інавацыйнага супрацоўніцтва", семінары і прэзентацыі.-0-

Версія для друку
Навіны рубрыкі Эканоміка
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Час стаць прыкметным! У асенне-зімовы перыяд у цёмны час сутак традыцыйна павялічваецца колькасць ДТЗ з удзелам пешаходаў і веласіпедыстаў.