16 студзеня, Мінск /Кар. БЕЛТА/. Створаны арганізацыйны камітэт па падрыхтоўцы і правядзенні VII Форуму рэгіёнаў Беларусі і Расіі. Яго ўзначаліў намеснік старшыні Савета Рэспублікі Анатоль Ісачанка, паведамілі БЕЛТА ў прэс-службе верхняй палаты парламента.
У склад аргкамітэта ўвайшлі члены Прэзідыума Савета Рэспублікі, кіраўнікі міністэрстваў і ведамстваў, аблвыканкамаў і Мінгарвыканкама, рэктары ВНУ, прадстаўнікі бізнес-супольнасці, старшыні абласных Саветаў дэпутатаў.
"У 2020 годзе Форум рэгіёнаў Беларусі і Расіі прымуць Мінск і Мінская вобласць. У час форуму традыцыйна будуць арганізаваны пленарнае пасяджэнне, секцыі, пасяджэнне міжпарламенцкай камісіі Савета Рэспублікі і Савета Федэрацыі па міжрэгіянальным супрацоўніцтве. Плануецца, што форуму будзе таксама прымеркавана серыя рэгіянальных мерапрыемстваў", - праінфармавалі ў прэс-службе.
Форум рэгіёнаў Беларусі і Расіі праводзіцца штогод пад эгідай Савета Рэспублікі Нацыянальнага сходу Беларусі і Савета Федэрацыі Федэральнага сходу Расіі.-0-
