11 студзеня, Мінск /Кар. БЕЛТА/. Па выніках студзеня-лістапада 2023 года сальда знешняга гандлю таварамі і паслугамі Беларусі склалася дадатным у памеры $730,4 млн, знешнегандлёвы абарот павялічыўся на 8,3 працэнта ў параўнанні з аналагічным перыядам мінулага года да $86,7 млрд. Адпаведныя статыстычныя даныя апублікаваны на сайце Нацыянальнага банка, паведамляе БЕЛТА.
Паводле даных Нацыянальнага банка, сальда знешняга гандлю таварамі ў студзені-лістападзе 2023 года склалася адмоўным у памеры $1,83 млрд. За 11 месяцаў імпарт тавараў склаў $37,85 млрд, экспарт - $36,02 млрд. За 11 месяцаў 2023 года экспарт тавараў у параўнанні з аналагічным перыядам 2022 года вырас на 5,6 працэнта. Пры гэтым памесячныя аб’ёмы экспарту тавараў, пачынаючы са жніўня 2023 года, паступова павялічваюцца.
Адмоўнае сальда знешняга гандлю таварамі кампенсавалася за кошт знешняга гандлю паслугамі, дадатнае сальда якога ў студзені-лістападзе 2023 года склала $2,6 млрд. За 11 месяцаў 2023 года экспарт паслуг склаў $7,7 млрд, імпарт - $5,1 млрд.-0-
