Мабільная версія
ДЗЯРЖОРГАНЫ
Апошнія навіны
ІНФАГРАФІКА: Студэнты Беларусі
Учора 15:41 Стужка навiн
Усе навіны

Русы: падпісанне балансаў з Расіяй аб пастаўках прадукцыі АПК на 2019 год чакаецца 12 кастрычніка

Эканоміка 11.10.2018 | 09:00
Фота з архіва
Фота з архіва

11 кастрычніка, Масква /Эдуард Півавар - БЕЛТА/. Падпісанне балансаў паставак асноўных відаў сельскагаспадарчай прадукцыі на 2019 год паміж Міністэрствам сельскай гаспадаркі і харчавання Беларусі і Міністэрствам сельскай гаспадаркі Расіі чакаецца 12 кастрычніка на V Форуме рэгіёнаў Беларусі і Расіі ў Магілёве. Аб гэтым паведаміў віцэ-прэм'ер Беларусі Міхаіл Русы 10 кастрычніка ў Маскве на сустрэчы са сваім расійскім калегам Аляксеем Гардзеевым, перадае карэспандэнт БЕЛТА.

"Балансы цалкам узгоднены, яны парафіраваны на ўзроўні намеснікаў міністраў", - сказаў Міхаіл Русы. Паводле яго слоў, цырымонію падпісання дакумента плануецца правесці ў прысутнасці старшыні Савета Рэспублікі Нацыянальнага сходу Беларусі Міхаіла Мясніковіча і спікера Савета Федэрацыі Федэральнага сходу Расіі Валянціны Мацвіенка, а таксама кіраўнікоў шэрага расійскіх рэгіёнаў. "Каб потым мы змаглі далажыць кіраўнікам дзяржаў", - дадаў віцэ-прэм'ер.

Сустрэча віцэ-прэм'ераў дзвюх краін адбылася на 20-й расійскай аграпрамысловай выстаўцы "Залатая восень", якая адкрылася 10 кастрычніка на ВДНГ. У яе экспазіцыі прадстаўлены таксама беларускія прадпрыемствы АПК.

Міхаіл Русы выказаў удзячнасць Аляксею Гардзееву за запрашэнне наведаць выстаўку. Асаблівую ўвагу ён звярнуў на ўдзел расійскіх рэгіёнаў у "Залатой восені", і гэты вопыт будзе выкарыстаны ў наступным годзе пры правядзенні выстаўкі "Белагра".

Віцэ-прэм'ер Беларусі паведаміў, што на маскоўскай выстаўцы беларуская дэлегацыя правяла сустрэчы з некаторымі расійскімі губернатарамі. "Прадоўжым размову з імі на Форуме рэгіёнаў у Магілёве. Мы знайшлі шмат сумесных праектаў, якія можна рэалізаваць ад Сахаліна да Смаленска", - адзначыў Міхаіл Русы.-0-

Версія для друку
Навіны рубрыкі Эканоміка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Студэнты Беларусі Штогод 17 лістапада адзначаецца Міжнародны дзень студэнтаў - адно з самых папулярных маладзёжных свят. Агульная колькасць студэнтаў у ВНУ Беларусі складае каля 284 тыс. чалавек.