13 снежня, Мінск /Кар. БЕЛТА/. Федэральная служба па ветэрынарным і фітасанітарным наглядзе (Рассельгаснагляд) з 14 снежня адмяняе ўведзеныя раней абмежаванні на пастаўкі ў Расію пэўных відаў прадукцыі з двух беларускіх прадпрыемстваў. Такая інфармацыя размешчана на сайце расійскага ведамства, паведамляе БЕЛТА.
У прыватнасці, зняты абмежаванні на пастаўкі малочнай прадукцыі з клецкага філіяла ААТ "Слуцкі сыраробны камбінат" і сыру са светлагорскага філіяла ВУП "Калінкавіцкі малочны камбінат".
Адпраўляемая ў Расію прадукцыя павінна быць выраблена з 14 снежня і суправаджацца электронным ветэрынарным сертыфікатам.
Такое рашэнне прынята на падставе атрыманых ад беларускага боку матэрыялаў і прынятых мер, а таксама гарантыі Дэпартамента ветэрынарнага і харчовага нагляду Міністэрства сельскай гаспадаркі і харчавання Беларусі.-0-
