14 красавіка, Мінск /Кар. БЕЛТА/. Беларускія аграрыі правялі сяўбу ранніх яравых збожжавых і зернебабовых культур (без кукурузы, грэчкі і проса) на 54,8 працэнта запланаваных плошчаў, паведамляе БЕЛТА са спасылкай на аператыўную інфармацыю Міністэрства сельскай гаспадаркі і харчавання.
Паводле даных на 14 красавіка, раннія яравыя ў краіне пасеялі на плошчы 353 тыс. га. У Гродзенскай вобласці гэтыя культуры пасеяны на 85,6 працэнта плошчаў, у Мінскай - на 54,5 працэнта, Магілёўскай - на 12,9 працэнта, Віцебскай - на 7,85 працэнта, у Брэсцкай - на 94,2 працэнта і ў Гомельскай - на 86,1 працэнта.
Глебу пад сяўбу ранніх яравых збожжавых і зернебабовых культур падрыхтавалі на 455,1 тыс. га (70,6 працэнта плана). У бягучым годзе гэтыя культуры будуць размешчаны на плошчы 644,3 тыс. га.
Таксама ў Беларусі праводзіцца сяўба лёну (ужо выканана на плошчы 6,03 тыс. га, або 12,2 працэнта плана), цукровых буракоў (11,67 тыс. га, або 11,85 працэнта) і аднагадовых траў (31,3 тыс. га, або 11,22 працэнта).-0-
