2 лютага, Масква /Эдуард Півавар - БЕЛТА/. На пасяджэнні Еўразійскага міжурадавага савета 2 лютага ў Алматы кіраўнікі ўрадаў краін Еўразійскага эканамічнага саюза адобрылі пашырэнне пераліку прыярытэтных інтэграцыйных інфраструктурных праектаў у сферы транспарту, ініцыяваных краінамі - удзельніцамі ЕАЭС. Аб гэтым БЕЛТА паведамілі ў прэс-службе Еўразійскай эканамічнай камісіі.
"Асаблівую значнасць для дзяржаў - членаў ЕАЭС маюць прыярытэтныя інтэграцыйныя інфраструктурныя праекты, якія з'яўляюцца маштабнымі праектамі мадэрнізацыі і будаўніцтва аўтамабільных і чыгуначных шляхоў зносін, накіраванымі на развіццё еўразійскіх транспартных калідораў і перспектыўных лагістычных маршрутаў. Праекты прызначаны забяспечыць павышэнне транспартнай звязанасці нашых краін, развіццё транзітных і экспартна-імпартных перавозак", - падкрэслілі ў ЕЭК.
Кыргызскі бок прапанаваў уключыць два праекты: рэканструкцыя аб'язной аўтадарогі горада Бішкек і будаўніцтва чыгункі ад Балыкчы да Джалал-Абада, якая злучае чыгуначную інфраструктуру поўначы і поўдня рэспублікі. Рэалізацыя праектаў дасць магчымасць стварыць адзіную ўнутраную чыгуначную сетку краіны і павялічыць прапускную здольнасць транзітных маршрутаў праз Кыргызстан.
"Праекты дадуць магчымасць зрабіць транзіт больш камфортным, істотна знізіць затраты грузаўладальнікаў пры перамяшчэнні грузаў па тэрыторыі краін ЕАЭС. Для іх гэта магчымасць стаць сувязным звяном паміж рынкамі Еўропы, Азіі і Блізкага Усходу", - адзначыў член Калегіі (міністр) па энергетыцы і інфраструктуры ЕЭК Арзыбек Кажошаў.
"У існуючых геапалітычных умовах, калі адбываецца глабальнае змяненне сусветных лагістычных ланцужкоў і перафармаціруюцца традыцыйныя міжнародныя транспартныя калідоры, краіны "пяцёркі" актыўна развіваюць транспартную інфраструктуру", - дадалі ў ЕЭК.
У жніўні 2022 года кіраўнікі ўрадаў краін "пяцёркі" ўзгаднілі пералік прыярытэтных інтэграцыйных транспартных праектаў ЕАЭС, які ўключае сем праектаў ад усіх краін-удзельніц, з іх шэсць датычацца будаўніцтва або рэканструкцыі аўтамабільных дарог міжнароднага значэння, адзін - чыгуначны.-0-
"Асаблівую значнасць для дзяржаў - членаў ЕАЭС маюць прыярытэтныя інтэграцыйныя інфраструктурныя праекты, якія з'яўляюцца маштабнымі праектамі мадэрнізацыі і будаўніцтва аўтамабільных і чыгуначных шляхоў зносін, накіраванымі на развіццё еўразійскіх транспартных калідораў і перспектыўных лагістычных маршрутаў. Праекты прызначаны забяспечыць павышэнне транспартнай звязанасці нашых краін, развіццё транзітных і экспартна-імпартных перавозак", - падкрэслілі ў ЕЭК.
У прыватнасці, Казахстан прадставіў праекты, накіраваныя на развіццё ўсходняга міжнароднага транспартнага калідора "Поўнач - Поўдзень" з мадэрнізацыяй існуючай чыгуначнай інфраструктуры калідора "Расія - краіны Цэнтральнай Азіі" і ўводам новых чыгуначных пуцей. Гэтыя праекты прадугледжваюць мадэрнізацыю існуючай чыгуначнай інфраструктуры на ўчастках Орск - Кандыагаш - Макат - Бейнеу - Балашак, Ілецк-1 - Актабэ, Чэлябінск - Табол - Нікельтау і Аксарайская - Макат, Шалкар - Бейнеу - Мангыстау, якія належаць да калідора "Поўнач - Поўдзень", а таксама будаўніцтва чыгуначнай лініі Дарбаза - Мактаарал і іншых чыгуначных пуцей на ўчастку Казалы - Арысь, якія адносяцца да калідора "Расія - краіны Цэнтральнай Азіі".
"Праекты дадуць магчымасць зрабіць транзіт больш камфортным, істотна знізіць затраты грузаўладальнікаў пры перамяшчэнні грузаў па тэрыторыі краін ЕАЭС. Для іх гэта магчымасць стаць сувязным звяном паміж рынкамі Еўропы, Азіі і Блізкага Усходу", - адзначыў член Калегіі (міністр) па энергетыцы і інфраструктуры ЕЭК Арзыбек Кажошаў.
"У існуючых геапалітычных умовах, калі адбываецца глабальнае змяненне сусветных лагістычных ланцужкоў і перафармаціруюцца традыцыйныя міжнародныя транспартныя калідоры, краіны "пяцёркі" актыўна развіваюць транспартную інфраструктуру", - дадалі ў ЕЭК.
У жніўні 2022 года кіраўнікі ўрадаў краін "пяцёркі" ўзгаднілі пералік прыярытэтных інтэграцыйных транспартных праектаў ЕАЭС, які ўключае сем праектаў ад усіх краін-удзельніц, з іх шэсць датычацца будаўніцтва або рэканструкцыі аўтамабільных дарог міжнароднага значэння, адзін - чыгуначны.-0-
