Мабільная версія
ДЗЯРЖОРГАНЫ

Апошнія навіны
Усе навіны

Прамысловы і інвестыцыйны патэнцыял Беларусі прэзентаваны ў Венгрыі

Эканоміка 25.04.2019 | 10:53
У час форуму. Фота пасольства Беларусі ў Венгрыі
У час форуму. Фота пасольства Беларусі ў Венгрыі

25 красавіка, Мінск /Кар. БЕЛТА/. Пры падтрымцы пасольства Беларусі ў Венгрыі з 22 па 25 красавіка праходзіць візіт у Будапешт дэлегацыі дзелавых колаў Беларусі, паведамілі БЕЛТА ў пасольстве.

У складзе дэлегацыі амаль 50 чалавек: прадстаўнікі Віцебскай вобласці, Рэспубліканскай канфедэрацыі прадпрымальніцтва, індустрыяльнага парка "Вялікі камень", СЭЗ "Гроднаінвест" і СЭЗ "Брэст", абласных саюзаў наймальнікаў, прамыслоўцы і прадпрымальнікі.

24 красавіка адбыўся беларуска-венгерскі дзелавы форум, арганізаваны пасольствам сумесна з венгерскім дзелавым клубам краін Усходняй Еўропы. З венгерскага боку ў ім прынялі ўдзел прадстаўнікі Міністэрства замежных спраў і знешняга гандлю, Венгерскай гандлёва-прамысловай палаты, нацыянальнай асацыяцыі наймальнікаў і работадаўцаў, асацыяцыі вытворцаў аўтакампанентаў, а таксама больш за 80 венгерскіх кампаній. У ліку ўдзельнікаў мерапрыемства таксама былі прадстаўнікі прамысловага і сельскагаспадарчага сектараў, тэлекамунікацый і IT, аўтакампанентаў, будаўнічых і банкаўскіх паслуг, турызму Венгрыі.

З прывітальным словам да ўдзельнікаў форуму звярнуўся пасол Беларусі ў Венгрыі Аляксандр Панамароў. Ён падкрэсліў важнасць таго, што дзелавыя колы Беларусі і Венгрыі пачулі заклік палітычнага кіраўніцтва дзвюх краін і праявілі ініцыятыву па арганізацыі маштабнага бізнес-форуму нават без прывязкі да якіх-небудзь двухбаковых візітаў на ўрадавым узроўні. Пасол выказаў упэўненасць, што поспех мерапрыемства будзе пабудаваны па формуле "з колькасці ў якасць".

Аляксандр Панамароў адзначыў, што пагадненне аб садзейнічанні ажыццяўленню і ўзаемнай абароне інвестыцый, якое было падпісана ў студзені бягучага года міністрамі замежных спраў дзвюх краін, стварае аснову для актывізацыі інвестыцыйнай дзейнасці.

Начальнік дэпартамента Усходняй Еўропы МЗС Венгрыі Ота Рона падкрэсліў вялікую ўвагу, якую ўдзяляе венгерскае знешнепалітычнае ведамства рабоце з Беларуссю, згадаўшы ключавыя гандлёва-эканамічныя праекты, што знаходзяцца на прапрацоўцы двух бакоў. Венгерскі дыпламат адзначыў важнасць устанаўлення даверных кантактаў у час форуму на аснове асабістых знаёмстваў.

На палях форуму прайшла прэзентацыя прамысловага і інвестыцыйнага патэнцыялу Беларусі і магчымасцей супрацоўніцтва з Віцебскай вобласцю, СЭЗ "Гроднаінвест" і СЭЗ "Брэст", індустрыяльным паркам "Вялікі камень", ААТ "Беларускі металургічны завод", а таксама праведзены В2В перагаворы беларускіх і венгерскіх кампаній.

Запланавана прадаўжэнне дзелавых перагавораў з венгерскімі партнёрамі, наведванне Гандлёва-прамысловай палаты горада Будапешта.-0-

Версія для друку
Навіны рубрыкі Эканоміка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Беларусь у рэйтынгу дзяржаў па індэксе развіцця чалавека Штогадовыя глабальныя даклады аб чалавечым развіцці публікуюцца ПРААН з 1990 года.