Фота з архіва
15 верасня, Гродна /Кар. БЕЛТА/. Гродзенская і Пензенская вобласці маюць намер развіваць супрацоўніцтва. Такі план прагучаў на сустрэчы кіраўніцтва рэгіёнаў Беларусі і Расіі ў Гродзенскім аблвыканкаме, перадае карэспандэнт БЕЛТА.
Як адзначыў старшыня Гродзенскага аблвыканкама Юрый Караеў, Пензенская вобласць - не новы рэгіён для ўзаемадзеяння. "Супрацоўніцтва з ім ужо ёсць. Але, як абодва бакі адзначылі, пакуль яшчэ недастатковае", - сказаў кіраўнік Гродзенскай вобласці, дадаўшы, што ёсць над чым працаваць.
Паводле слоў Юрыя Караева, абодва рэгіёны развіваюць амаль адны і тыя ж напрамкі. "Яны вельмі высокатэхналагічная сельскагаспадарчая і прамысловая вобласць, у медыцыне шмат зрухаў. Абмен вопытам таксама важны", - дадаў старшыня Гродзенскага аблвыканкама.
Гродзенская вобласць пастаўляе ў Пензенскую вобласць прадукты харчавання (сыры, натуральнае сметанковае масла, малако і вяршкі), прадукцыю дрэваапрацоўкі, вырабы са шкла і пластмасы. З Пензенскай вобласці пастаўляюцца насенне лёну, папера, кардон, драўляныя вырабы, прадукцыя харчовай прамысловасці і машынабудавання. Як прагучала, Гродзенская вобласць зацікаўлена ў больш цеснай прамысловай кааперацыі з Пензенскай вобласцю.
"У сельскай гаспадарцы і аграпрамысловым комплексе для павышэння эфектыўнасці вырошчвання сельгаскультур мы гатовы пастаўляць на расійскі рынак азотныя ўгнаенні", - канстатаваў Юрый Караеў, дадаўшы, што вобласці таксама цікавы імпарт насення рапсу, соевых бабоў, сланечніка. Было адзначана, што ў частцы павышэння эфектыўнасці работы жывёлагадоўчага комплексу гродзенскія прадпрыемствы маюць магчымасць пастаўкі бялкова-вітамінных дабавак, прэміксаў для корму жывёл, у прыватнасці для вырошчвання індычкі. "Асобны напрамак супрацоўніцтва прапануюць вытворцы сельгастэхнікі, машын і абсталявання, - адзначыў старшыня Гродзенскага аблвыканкама. - У сферы будаўніцтва мы таксама можам узаемадзейнічаць, таму што нашы прадпрыемствы вырабляюць шырокі асартымент будаўнічых матэрыялаў, жалезабетонных вырабаў".
"Бізнес-колы, прамысловыя, сельскагаспадарчыя самі знойдуць паміж сабой сувязі, ім для гэтага губернатары вельмі не патрэбны. Але калі гэта падтрымліваецца і кантралюецца кіраўнікамі ў абласцях, гэта яшчэ лепш", - падкрэсліў Юрый Караеў.
Як звярнуў увагу віцэ-губернатар Пензенскай вобласці Сяргей Фядотаў, у 2024 годзе было падпісана пагадненне аб супрацоўніцтве з Гродзенскай вобласцю. "Цяпер мы прыехалі, каб гэта пагадненне напоўніць зместам. Перш за ўсё праграму мы пабудавалі так, каб наведаць не толькі прамысловыя прадпрыемствы, але і сацыяльныя. Мы ўжо былі на малочнай вытворчасці, будзем у 38-й школе Гродна, на цукровым заводзе. Мы з'яўляемся адным з флагманаў па цукры. У нас тры цукровыя заводы ў Пензенскай вобласці і вялікі кластар кандытарскай вытворчасці", - расказаў ён.
"Паглядзім кардыядыспансер ваш. Мы з'яўляемся лідарамі па вытворчасці кардыястымулятараў. Цяпер праводзіцца вельмі вялікая работа па ўкараненні гэтых кардыястымулятараў на рынак Беларусі. Работа вялікая, і ўзаемадзеянне ўжо наладжана. Мы прапанавалі абмен дэлегацыямі. У Пензенскай вобласці ёсць федэральны кардыяцэнтр, дзе працуюць высакакласныя спецыялісты, таму мы заўсёды рады супрацоўнічаць", - дадаў Сяргей Фядотаў.
Як прагучала на сустрэчы, значны патэнцыял для развіцця супрацоўніцтва сканцэнтраваны і ў гуманітарнай сферы: у адукацыі, ваенна-патрыятычным выхаванні, турызме, маладзёжнай палітыцы і культуры.-0-
Як адзначыў старшыня Гродзенскага аблвыканкама Юрый Караеў, Пензенская вобласць - не новы рэгіён для ўзаемадзеяння. "Супрацоўніцтва з ім ужо ёсць. Але, як абодва бакі адзначылі, пакуль яшчэ недастатковае", - сказаў кіраўнік Гродзенскай вобласці, дадаўшы, што ёсць над чым працаваць.
Паводле слоў Юрыя Караева, абодва рэгіёны развіваюць амаль адны і тыя ж напрамкі. "Яны вельмі высокатэхналагічная сельскагаспадарчая і прамысловая вобласць, у медыцыне шмат зрухаў. Абмен вопытам таксама важны", - дадаў старшыня Гродзенскага аблвыканкама.
Гродзенская вобласць пастаўляе ў Пензенскую вобласць прадукты харчавання (сыры, натуральнае сметанковае масла, малако і вяршкі), прадукцыю дрэваапрацоўкі, вырабы са шкла і пластмасы. З Пензенскай вобласці пастаўляюцца насенне лёну, папера, кардон, драўляныя вырабы, прадукцыя харчовай прамысловасці і машынабудавання. Як прагучала, Гродзенская вобласць зацікаўлена ў больш цеснай прамысловай кааперацыі з Пензенскай вобласцю.
"У сельскай гаспадарцы і аграпрамысловым комплексе для павышэння эфектыўнасці вырошчвання сельгаскультур мы гатовы пастаўляць на расійскі рынак азотныя ўгнаенні", - канстатаваў Юрый Караеў, дадаўшы, што вобласці таксама цікавы імпарт насення рапсу, соевых бабоў, сланечніка. Было адзначана, што ў частцы павышэння эфектыўнасці работы жывёлагадоўчага комплексу гродзенскія прадпрыемствы маюць магчымасць пастаўкі бялкова-вітамінных дабавак, прэміксаў для корму жывёл, у прыватнасці для вырошчвання індычкі. "Асобны напрамак супрацоўніцтва прапануюць вытворцы сельгастэхнікі, машын і абсталявання, - адзначыў старшыня Гродзенскага аблвыканкама. - У сферы будаўніцтва мы таксама можам узаемадзейнічаць, таму што нашы прадпрыемствы вырабляюць шырокі асартымент будаўнічых матэрыялаў, жалезабетонных вырабаў".
"Бізнес-колы, прамысловыя, сельскагаспадарчыя самі знойдуць паміж сабой сувязі, ім для гэтага губернатары вельмі не патрэбны. Але калі гэта падтрымліваецца і кантралюецца кіраўнікамі ў абласцях, гэта яшчэ лепш", - падкрэсліў Юрый Караеў.
Як звярнуў увагу віцэ-губернатар Пензенскай вобласці Сяргей Фядотаў, у 2024 годзе было падпісана пагадненне аб супрацоўніцтве з Гродзенскай вобласцю. "Цяпер мы прыехалі, каб гэта пагадненне напоўніць зместам. Перш за ўсё праграму мы пабудавалі так, каб наведаць не толькі прамысловыя прадпрыемствы, але і сацыяльныя. Мы ўжо былі на малочнай вытворчасці, будзем у 38-й школе Гродна, на цукровым заводзе. Мы з'яўляемся адным з флагманаў па цукры. У нас тры цукровыя заводы ў Пензенскай вобласці і вялікі кластар кандытарскай вытворчасці", - расказаў ён.
"Паглядзім кардыядыспансер ваш. Мы з'яўляемся лідарамі па вытворчасці кардыястымулятараў. Цяпер праводзіцца вельмі вялікая работа па ўкараненні гэтых кардыястымулятараў на рынак Беларусі. Работа вялікая, і ўзаемадзеянне ўжо наладжана. Мы прапанавалі абмен дэлегацыямі. У Пензенскай вобласці ёсць федэральны кардыяцэнтр, дзе працуюць высакакласныя спецыялісты, таму мы заўсёды рады супрацоўнічаць", - дадаў Сяргей Фядотаў.
Як прагучала на сустрэчы, значны патэнцыял для развіцця супрацоўніцтва сканцэнтраваны і ў гуманітарнай сферы: у адукацыі, ваенна-патрыятычным выхаванні, турызме, маладзёжнай палітыцы і культуры.-0-
Падпісвайцеся на нас у
