ДЗЯРЖОРГАНЫДЗЯРЖОРГАНЫ
Аўторак, 28 студзеня 2020
Мінск Суцэльная воблачнасць 0°C
Усе навіны
Усе навіны
Эканоміка
27 лістапада 2019, 09:23

Праект закона аб дзяржсектары могуць унесці ў парламент у 2020 годзе

Фота з архіва
Фота з архіва

27 лістапада, Мінск /Кар. БЕЛТА/. У Беларусі падрыхтавана канцэпцыя закона аб дзяржсектары. У 2020 годзе законапраект можа ўвайсці ў пакет дакументаў для разгляду ў парламенце, паведаміў журналістам на палях беларуска-швейцарскага дзелавога савета міністр эканомікі Дзмітрый Крутой, паведамляе карэспандэнт БЕЛТА.

"Распрацоўка закона закладзена ў праграме сацыяльна-эканамічнага развіцця. Прапанова была ініцыявана работай такога дакумента ў Кітаі. Мэта - дакладна рэгламентаваць сферы, дзе магчыма стварэнне і функцыянаванне дзяржпрадпрыемстваў. Другі напрамак - па якім прынцыпе гэтыя прадпрыемствы можна ліквідаваць, саніраваць, банкруціць", - адзначыў Дзмітрый Крутой.

Канцэпцыю міністэрства рыхтавала сумесна з Дзяржаўным камітэтам па маёмасці. Спецыялісты вывучылі кітайскі вопыт і ўлічылі спецыфіку Беларусі. Да ўдзелу ў пасяджэннях рабочай групы запрашаліся бізнес-саюзы, галіновыя міністэрствы. Дакумент плануецца спачатку вынесці на пасяджэнне Прэзідыума Савета Міністраў. "Мне хацелася б, каб ён у наступным годзе ўвайшоў у пакет законапраектаў новага парламента", - адзначыў міністр.

Канцэпцыя стане асновай будучага законапраекта. "Задача міністэрства - зразумець, якія блокі ўвойдуць у фінальную версію", - сказаў Дзмітрый Крутой.

Таксама ён расказаў, што ў рэспубліцы прадаўжаецца работа па дэкрыміналізацыі эканамічных правапарушэнняў. У Оршы праводзіцца эксперымент па ўвядзенні мараторыя на праверкі.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі