Фота з архіва
25 сакавіка, Брэст /Кар. БЕЛТА/. У Брэсце сёння працуе грамадская прыёмная блока па канкурэнцыі і антыманапольным рэгуляванні Еўразійскай эканамічнай камісіі, перадае карэспандэнт БЕЛТА.
Мерапрыемства праводзіцца ў будынку Брэсцкага аблвыканкама. Грамадская прыёмная арганізавана для беларускага бізнесу. Абмяркоўваюцца правілы канкурэнцыі і кантроль за іх выкананнем, рэгуляванне дзяржаўных закупак у Еўразійскім эканамічным саюзе. Такі падыход дае магчымасць атрымліваць непасрэдна ад бізнесу інфармацыю аб узаемадзеянні на трансгранічных рынках, аб стане канкурэнцыі.
"Блок па канкурэнцыі прызначаны забяспечваць добрасумленную канкурэнцыю на трансгранічных рынках. У выпадку парушэння агульных правіл канкурэнцыі - строга рэагаваць у адносінах да парушальнікаў. Хацелі б прэзентаваць для прадстаўнікоў бізнесу тыя інструменты, якія выкарыстоўваем у сваёй рабоце, якія ўжо ёсць дасягненні. Шэраг спраў быў разгледжаны, камісіяй расследаваны. Прыняты рашэнні калегіі, парушальнікі прыцягнуты да адказнасці, а перашкоды для свабоднай канкурэнцыі ліквідаваны", - сказаў член Калегіі (міністр) па канкурэнцыі і антыманапольным рэгуляванні Еўразійскай эканамічнай камісіі Максім Ермаловіч.
Асобная ўвага на сустрэчы ўдзелена пытанню дзяржзакупак. "Тут даволі вялікі прагрэс апошнім часам дасягнуты. Беларусь наогул з'яўляецца чэмпіёнам у гэтай галіне: вельмі вялікае ўзаемадзеянне беларускіх прадпрыемстваў адбываецца менавіта ў галіне дзяржзакупак. Беларусь мае дадатнае сальда. Гэта значыць прадае ў рамках працэдур дзяржаўных закупак для замежных дзяржаў, краін - членаў саюза больш, чым купляе. Гэта паказчык нашай канкурэнтаздольнасці", - заўважыў Максім Ермаловіч.
Ён падкрэсліў, што ўзаемны гандаль развіваецца дынамічна. Аб'ёмы ўзаемнага гандлю на прасторах эканамічнага альянсу павялічваюцца. Асабліва вялікі ўсплёск адзначаецца апошнія два гады. "Гэта вельмі важна для ўсіх членаў саюза, таму што мы сапраўды павялічваем свой эканамічны патэнцыял, - заявіў Максім Ермаловіч. - Па дынаміцы парушэнняў, колькасці заяў, якія паступаюць у камісію, па задаволенасці бізнесу вынікамі работы на канкурэнтных рынках бачым, што сітуацыя з году ў год паляпшаецца, а колькасць спраў, якія паступаюць да нас на разгляд, змяншаецца".
Напрацаваныя кааперацыйныя сувязі дапамаглі зменшыць негатыўны ўплыў заходніх санкцый. Прадпрыемствы змаглі нарасціць аб'ёмы ўзаемных паставак, замясціць тавары трэціх краін.
"Фарміраванне інтэграцыйных аб'яднанняў (не толькі ЕАЭС, але СНД, СД) садзейнічала таму, каб імпартазамяшчэнне прадукцыі трэціх краін адбылося больш хутка і з меншымі эканамічнымі стратамі. Не толькі таварныя пытанні вырашаліся, вытворчыя, тэхналагічныя, але і пытанні лагістыкі. Даволі хутка гэта ўсё было выбудавана. Гэта ў першую чаргу заслуга ўрадаў нашых краін. Важная і работа камісіі, якая ўсяляк садзейнічала пашырэнню каналаў узаемных паставак тавараў", - акцэнтаваў увагу Максім Ермаловіч.
Да грамадскай прыёмнай, якая працуе ў Брэсце, далучыліся больш за 300 чалавек. Некаторыя з іх удзельнічаюць у рэжыме анлайн.-0-
Мерапрыемства праводзіцца ў будынку Брэсцкага аблвыканкама. Грамадская прыёмная арганізавана для беларускага бізнесу. Абмяркоўваюцца правілы канкурэнцыі і кантроль за іх выкананнем, рэгуляванне дзяржаўных закупак у Еўразійскім эканамічным саюзе. Такі падыход дае магчымасць атрымліваць непасрэдна ад бізнесу інфармацыю аб узаемадзеянні на трансгранічных рынках, аб стане канкурэнцыі.
"Блок па канкурэнцыі прызначаны забяспечваць добрасумленную канкурэнцыю на трансгранічных рынках. У выпадку парушэння агульных правіл канкурэнцыі - строга рэагаваць у адносінах да парушальнікаў. Хацелі б прэзентаваць для прадстаўнікоў бізнесу тыя інструменты, якія выкарыстоўваем у сваёй рабоце, якія ўжо ёсць дасягненні. Шэраг спраў быў разгледжаны, камісіяй расследаваны. Прыняты рашэнні калегіі, парушальнікі прыцягнуты да адказнасці, а перашкоды для свабоднай канкурэнцыі ліквідаваны", - сказаў член Калегіі (міністр) па канкурэнцыі і антыманапольным рэгуляванні Еўразійскай эканамічнай камісіі Максім Ермаловіч.
Асобная ўвага на сустрэчы ўдзелена пытанню дзяржзакупак. "Тут даволі вялікі прагрэс апошнім часам дасягнуты. Беларусь наогул з'яўляецца чэмпіёнам у гэтай галіне: вельмі вялікае ўзаемадзеянне беларускіх прадпрыемстваў адбываецца менавіта ў галіне дзяржзакупак. Беларусь мае дадатнае сальда. Гэта значыць прадае ў рамках працэдур дзяржаўных закупак для замежных дзяржаў, краін - членаў саюза больш, чым купляе. Гэта паказчык нашай канкурэнтаздольнасці", - заўважыў Максім Ермаловіч.
Ён падкрэсліў, што ўзаемны гандаль развіваецца дынамічна. Аб'ёмы ўзаемнага гандлю на прасторах эканамічнага альянсу павялічваюцца. Асабліва вялікі ўсплёск адзначаецца апошнія два гады. "Гэта вельмі важна для ўсіх членаў саюза, таму што мы сапраўды павялічваем свой эканамічны патэнцыял, - заявіў Максім Ермаловіч. - Па дынаміцы парушэнняў, колькасці заяў, якія паступаюць у камісію, па задаволенасці бізнесу вынікамі работы на канкурэнтных рынках бачым, што сітуацыя з году ў год паляпшаецца, а колькасць спраў, якія паступаюць да нас на разгляд, змяншаецца".
Напрацаваныя кааперацыйныя сувязі дапамаглі зменшыць негатыўны ўплыў заходніх санкцый. Прадпрыемствы змаглі нарасціць аб'ёмы ўзаемных паставак, замясціць тавары трэціх краін.
"Фарміраванне інтэграцыйных аб'яднанняў (не толькі ЕАЭС, але СНД, СД) садзейнічала таму, каб імпартазамяшчэнне прадукцыі трэціх краін адбылося больш хутка і з меншымі эканамічнымі стратамі. Не толькі таварныя пытанні вырашаліся, вытворчыя, тэхналагічныя, але і пытанні лагістыкі. Даволі хутка гэта ўсё было выбудавана. Гэта ў першую чаргу заслуга ўрадаў нашых краін. Важная і работа камісіі, якая ўсяляк садзейнічала пашырэнню каналаў узаемных паставак тавараў", - акцэнтаваў увагу Максім Ермаловіч.
Да грамадскай прыёмнай, якая працуе ў Брэсце, далучыліся больш за 300 чалавек. Некаторыя з іх удзельнічаюць у рэжыме анлайн.-0-
