10 мая, Мінск /Кар. БЕЛТА/. З Беларусі часова нельга вывозіць некаторыя віды паперы. Гэта прадугледжана пастановай Савета Міністраў ад 5 мая 2022 года нумар 274, апублікаванай на Нацыянальным прававым інтэрнэт-партале, паведамляе БЕЛТА.
Забарона распаўсюджваецца на вываз паперы з тэрмаадчувальным пакрыццём для вытворчасці чэкавай стужкі, рулонаў для факсаў, а таксама самакапіравальнай паперы (тэрмастужак).
Забараняецца вываз гэтых тавараў незалежна ад краіны паходжання за межы Беларусі ў дзяржавы - члены ЕАЭС. Забаронены вываз тавараў, змешчаных пад мытныя працэдуры экспарту, часовага вывазу, перапрацоўкі па-за мытнай тэрыторыяй і рээкспарту за межы мытнай тэрыторыі ЕАЭС у Беларусі ў дзяржавы, якія не з'яўляюцца членамі ЕАЭС.
Забарона не распаўсюджваецца на тавары, якія вывозяцца для аказання міжнароднай гуманітарнай дапамогі замежным дзяржавам на падставе рашэнняў урада, у якасці прыпасаў, а таксама тыя, якія перамяшчаюцца ў рамках міжнародных транзітных перавозак.
Пастанова ўступае ў сілу з дня афіцыйнага апублікавання і дзейнічае на працягу трох месяцаў.-0-