9 снежня, Мінск /Кар. БЕЛТА/. Праўленнем Нацыянальнага банка прынята рашэнне аб спыненні дзейнасці часовай адміністрацыі па кіраванні ААТ "Белгазпрамбанк". Гэта прадугледжана пастановай праўлення нумар 392 ад 9 снежня 2020 года, паведамілі БЕЛТА ў прэс-службе Нацбанка.
Апошні дзень работы часовай адміністрацыі па кіраванні ААТ "Белгазпрамбанк" - 10 снежня 2020 года.
Часовая адміністрацыя была ўведзена з 15 чэрвеня ў адпаведнасці з пастановай праўлення Нацбанка нумар 192 ад 14 чэрвеня 2020 года на шэсць месяцаў для забеспячэння ўстойлівага функцыянавання ААТ "Белгазпрамбанк", бесперапыннасці яго дзейнасці па аказанні банкаўскіх паслуг і выканання ім абавязацельстваў перад укладчыкамі і крэдыторамі.
Ррашэнне аб спыненні дзейнасці часовай адміністрацыі прынята з улікам дасягнення названых мэт і выбрання саветам дырэктараў ААТ "Белгазпрамбанк" новага складу праўлення.-0-