Мабільная версія
ДЗЯРЖОРГАНЫ

Апошнія навіны
Усе навіны

Нацбанк: рост цэн на агародніну ў гадавым выражэнні ў чэрвені значна запаволіўся

Эканоміка 15.07.2019 | 12:17
Фота з архіва
Фота з архіва

15 ліпеня, Мінск /Кар. БЕЛТА/. Гадавы тэмп росту цэн на плодаагароднінную прадукцыю ў чэрвені значна запаволіўся. Аб гэтым гаворыцца ў аглядзе інфляцыі за чэрвень, размешчаным на сайце Нацбанка, паведамляе БЕЛТА.

Пасля паскарэння ў маі да 9,5 працэнта гадавы тэмп росту цэн на плодаагароднінную прадукцыю ў чэрвені знізіўся да 4 працэнтаў. Гэтаму шмат у чым садзейнічала запаволенне гадавога тэмпу росту цэн на белакачанную капусту пасля доўгага перыяду паскоранага росту (з лістапада 2018 года), а таксама на большасць іншых відаў агародніны. У той жа час істотна павялічыўся тэмп росту цэн на бульбу. Гадавы тэмп росту цэн на фрукты таксама стрымліваў агульнае зніжэнне сезонных цэн.

У цэлым гадавы прырост спажывецкіх цэн у чэрвені запаволіўся на 0,5 працэнтнага пункта і склаў 5,7 працэнта. Адносна мая спажывецкія цэны знізіліся на 0,06 працэнта.

У чэрвені адзначаецца запаволенне гадавых тэмпаў росту асноўных цэнавых індыкатараў спажывецкага рынку. Гадавая базавая інфляцыя зменшылася з 5,2 працэнта ў маі да 4,8 працэнта ў чэрвені 2019 года. Менш інтэнсіўная дынаміка паказчыка шмат у чым звязана са зніжэннем уплыву кан'юнктурнага шоку на рынку мясной прадукцыі. Паскораны рост цэн на мяса і мясапрадукты пачаўся ў чэрвені 2018 года і захоўваўся да канца года, у выніку базавая інфляцыя перавысіла трэндавую. "Тэмпы росту цэн на мясную прадукцыю, якія складваюцца ў бягучым годзе, пры ўмове адсутнасці ўздзеяння новых шокаў будуць садзейнічаць далейшаму запаволенню базавай інфляцыі ў гадавым вымярэнні і яе набліжэнню да ўзроўню трэндавай", - адзначылі ў Нацбанку. Па выніках першага паўгоддзя цэны на мяса і мясапрадукты зменшыліся на 0,7 працэнта (чэрвень 2019 года да снежня 2018 года).

Трэндавая інфляцыя запаволілася на 0,1 працэнтнага пункта ў гадавым выражэнні і склала 4,5 працэнта ў чэрвені. Сярэдняя інтэнсіўнасць прыросту спажывецкіх цэн знізілася да 4,2 працэнта (4,6 працэнта месяцам раней).

Гадавы прырост рэгулюемых цэн і тарыфаў у чэрвені склаў 8,1 працэнта (8,2 працэнта месяцам раней). У цэлым дынаміка цэн і тарыфаў на рэгулюемыя пазіцыі ў гадавым выражэнні захоўваецца практычна на адным узроўні на працягу апошніх чатырох месяцаў.-0-

Версія для друку
Навіны рубрыкі Эканоміка
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Лясы Беларусі Лес - адно з самых значных прыродных багаццяў Беларусі. Усе лясы ў рэспубліцы з'яўляюцца выключна ўласнасцю дзяржавы.