ДЗЯРЖОРГАНЫДЗЯРЖОРГАНЫ
Чацвер, 28 мая 2020
Мінск Воблачна з праясненнямі +19°C
Усе навіны
Усе навіны
Эканоміка
30 красавіка 2020, 13:04

Нацбанк чакае зніжэння попыту на спажывецкія крэдыты пасля сакавіцкага ўсплёску

Фота з архіва
Фота з архіва

30 красавіка, Мінск /Кар. БЕЛТА/. У Беларусі ў сакавіку быў усплёск спажывецкага крэдытавання, у красавіку чакаецца зніжэнне попыту, паведаміла сёння на брыфінгу намеснік начальніка галоўнага ўпраўлення рэгулявання банкаўскіх аперацый Нацыянальнага банка Вольга Ілюкевіч, перадае карэспандэнт БЕЛТА.

"У сакавіку мы назіралі ўсплёск росту спажывецкага крэдытавання, фізічным асобам было выдадзена спажывецкіх крэдытаў на суму каля Br1,2 млрд. Гэта прыкладна на 37 працэнтаў больш, чым у лютым, і звязана ў першую чаргу з дэвальвацыйнымі чаканнямі. Але ўжо ў красавіку мы чакаем істотнага зніжэння попыту на крэдыты", - адзначыла Вольга Ілюкевіч.

Паводле яе слоў, у красавіку банкі абмежавалі прапановы па некаторых крэдытах, нейкія крэдытныя прадукты прыпынены. "З боку крэдытаатрымальнікаў таксама зніжаецца актыўнасць, г.зн. ужо больш рацыянальна, абдумана грамадзяне падыходзяць да атрымання крэдытаў", - дадала прадстаўнік Нацбанка.

Што датычыцца ўзмацнення патрабаванняў пры выдачы крэдытаў, то Вольга Ілюкевіч звярнула ўвагу, што кожны банк самастойна вызначае сваімі лакальнымі актамі парадак ацэнкі крэдытаздольнасці фізасобы, які ўзровень даходаў у яе павінен быць. Гранічны паказчык даўгавой нагрузкі - 40 працэнтаў, але банкі могуць устанавіць і меншы памер для прадастаўлення крэдыту. У цэлым, паводле яе ацэнкі, цяпер банкі крыху зніжаюць сваю актыўнасць адносна крэдытавання, асабліва доўгатэрміновага.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі