Мясніковіч: Беларусь адзіная з краін ЕАЭС мае дадатнае сальда ў гандлі з Расіяй

11 студзеня, Масква /Эдуард Півавар - БЕЛТА/. Беларусь адзіная з краін Еўразійскага эканамічнага саюза мае дадатнае сальда ў гандлі з Расіяй. Аб гэтым паведаміў старшыня Калегіі Еўразійскай эканамічнай камісіі Міхаіл Мясніковіч, выступаючы 11 студзеня на цырымоніі адкрыцця Дзён Брэсцкай вобласці на ВДНГ у Маскве, перадае карэспандэнт БЕЛТА.

"Пяць нашых дзяржаў - Беларусь, Арменія, Расія, Казахстан, Кыргызстан - вельмі актыўна супрацоўнічаюць адна з адной. І пры гэтым толькі Беларусь мае дадатнае гандлёвае сальда з Расійскай Федэрацыяй. Я яшчэ раз удакладніў у пасла (Беларусі ў Расіі Дзмітрыя Крутога. - Заўвага БЕЛТА), па выніках 2023 года чакаецца больш як $2 млрд дадатнае сальда. Іншыя дзяржавы (ЕАЭС. - Заўвага БЕЛТА), на жаль, гандлююць не так актыўна і маюць пасіўнае сальда ў гандлі з Расіяй", - сказаў Міхаіл Мясніковіч.

На яго думку, Беларусь невыпадкова так актыўна ўдзельнічае на праводзімай на ВДНГ міжнароднай выстаўцы-форуме "Расія". "Беларусь сапраўды надзейны і стабільны партнёр Расіі. Прысутныя тут прадстаўнікі расійскіх рэгіёнаў могуць гэта пацвердзіць, таму што ўсюды ёсць беларускія тавары, таму што яны канкурэнтаздольныя і якасныя", - дадаў кіраўнік Калегіі ЕЭК.-0-