13 мая, Мінск /Кар. БЕЛТА/. Міністэрства эканомікі скарэкціравала патрабаванні да фарміравання дзяржаўных праграм. Змяненні ў інструкцыю аб патрабаваннях да структуры дзяржпраграмы і зместу справаздач аб выніках яе рэалізацыі ўнесены пастановай Мінэканомікі нумар 5 ад 15 красавіка 2020 года, паведамілі БЕЛТА ў прэс-службе міністэрства.
Змяненні распрацаваны з улікам практыкі прымянення інструкцыі. Яны накіраваны на ўдасканаленне падрыхтоўкі дзяржпраграм і справаздач аб іх рэалізацыі.
У тым ліку палепшана структура інструкцыі, што аблегчыць успрыманне элементаў, удакладнены патрабаванні да вызначэння мэтавых паказчыкаў дзяржпраграмы, устанаўліваецца патрабаванне аб уключэнні ў праграму мерапрыемстваў у сферы інфарматызацыі.
Акрамя таго, удакладняюцца ўмовы фарміравання мерапрыемстваў з дзяржпадтрымкай. Устаноўлены мараторый на ўключэнне ў комплекс мерапрыемстваў тых, якія ўжо рэалізуюцца ў іншых дзяржпраграмах.
Формы, што прыкладаюцца да дзяржпраграмы і справаздачы аб яе рэалізацыі, дапрацаваны, каб выключыць неабгрунтаванае дубліраванне інфармацыі, забяспечыць супастаўнасць паказчыкаў з індыкатарамі дасягнення Мэт устойлівага развіцця да 2030 года, сфармуляванымі ў Парадку дня ў галіне ўстойлівага развіцця.
Пастанова не распаўсюджваецца на ўжо дзеючыя дзяржаўныя праграмы і ўносімыя ў іх змяненні.-0-