Мабільная версія
ДЗЯРЖОРГАНЫ

Апошнія навіны
У Брэсце адкрылі помнік Пушкіну
11 Кастрычнік, 17:46 Культура
Усе навіны

МАЗ прадставіў навінкі вытворчасці на MILEX

Эканоміка 17.05.2019 | 15:09
Фота МАЗ
Фота МАЗ

17 мая, Мінск /Кар. БЕЛТА/. Мінскі аўтамабільны завод на 9-й міжнароднай выстаўцы ўзбраенняў і ваеннай тэхнікі MILEX прадставіў навінкі вытворчасці, паведамілі БЕЛТА на прадпрыемстве.

У іх ліку аўтакран для пагрузачна-разгрузачных работ і работ з разраднымі (небяспечнымі) грузамі, які абсталяваны гідраўлічным прыводам і жорсткай тэлескапічнай стралой. Ён выраблены ў магілёўскім падраздзяленні - на заводзе "Магілёўтрансмаш". Максімальная грузападымальнасць крана пры рабоце са звычайнымі грузамі складае 25 т, з разраднымі - 20 т. Дзякуючы хадавым якасцям базавага аўтамабільнага шасі МАЗ-631705 з колавай формулай 6х6 ён упэўнена адчувае сябе як на дарогах з удасканаленым пакрыццём, так і ва ўмовах поўнага бездарожжа.

Для адпаведнасці асаблівым тэхнічным патрабаванням і ўкаранення спецыяльных рашэнняў у канструкцыі аўтакрана выкарыстоўваюцца правераныя канструкцыйныя элементы, якія былі неаднаразова апрабаваны ў кранах серыйнай вытворчасці. Асноўныя нясучыя элементы металаканструкцыі выраблены з дробназярністай канструкцыйнай сталі з павышанымі паказчыкамі трываласці, жорсткасці і здольнасці зварвацца.

У кабіне машыніста прадугледжаны ацяпляльнае абсталяванне і вентылятары, шкленне забяспечвае добры агляд. Таксама кран абсталяваны сучасным прыборам бяспекі, які прадухіляе перагрузку, падвойнымі тармазамі механізмаў пад'ёму грузу, змянення вылету і тэлескапіравання стралы. Гідраўлічная сістэма дае магчымасць лёгка і плаўна кіраваць кранавымі механізмамі з шырокім дыяпазонам рэгулявання скорасцей рабочых аперацый.

Як адзначыў галоўны канструктар магілёўскага філіяла Павел Каранкевіч, такая спецаўтатэхніка выпускаецца ў невялікіх колькасцях і на выстаўках раней не дэманстравалася.

Яшчэ адну мадэль на базе тэхнікі МАЗ прадставіла машынабудаўнічае прадпрыемства "Святавіт". Па заказе ваенных выраблены новы ўніверсальны аднакаўшовы экскаватар EW25M2.

Таксама Мінскі аўтамабільны завод прэзентаваў перасовачны офіс "Купава-478810". У блоку перагавораў устаноўлены 32-дзюймавы тэлевізар і ноўтбук. Wi-Fi-маршрутызатар забяспечвае выхад у інтэрнэт і злучэнне мабільных устройстваў з тэлевізарам. Куханны блок таксама абсталяваны ўсім неабходным, уключаючы чайнік, халадзільнік, кавамашыну і электрычную пліту.

Выстаўка MILEX праходзіць у МКСК "Мінск-Арэна" з 15 па 18 мая.-0-

Фота МАЗ

Версія для друку
Навіны рубрыкі Эканоміка
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Беларусь - Туркменістан: гандлёва-эканамічнае супрацоўніцтва Туркменістан з'яўляецца адным са стратэгічных партнёраў Беларусі ў Цэнтральнай Азіі. Дыпламатычныя адносіны паміж краінамі ўсталяваны 21 студзеня 1993 года.