21 ліпеня, Мінск /Кар. БЕЛТА/. Масавая ўборка збожжавых пачалася ў Беларусі. Аб гэтым сведчыць аператыўная інфармацыя Міністэрства сельскай гаспадаркі і харчавання, паведамляе БЕЛТА.
Паводле даных на 21 ліпеня, збожжавыя і зернебабовыя культуры ўбраны з 120,7 тыс. га, што складае 5,5 працэнта запланаванай плошчы. Па тэмпах работ лідзіруе Гомельская вобласць: там убрана 17,6 працэнта ад плана (59,9 тыс. га). У Брэсцкай вобласці ўбрана 8,79 працэнта плошчаў (29,7 тыс. га), Гродзенскай - 5,27 працэнта (16,8 тыс. га), Мінскай - 2,6 працэнта (12,6 тыс. га), Магілёўскай - 0,53 працэнта (1,78 тыс. га). У Віцебскай вобласці ўборка яшчэ не пачалася. Усяго па краіне намалочана 443,8 тыс. т збожжа пры сярэдняй ураджайнасці 36,8 ц/га.
Лён выцераблены на 11,4 тыс. га (23,4 працэнта ўборачнай плошчы). Другі ўкос травы ў Беларусі праведзены на 618 тыс. га (75,5 працэнта ад плана). Нарыхтавана 537,6 тыс. т сена (53,2 працэнта ад плана), 11,49 млн т сенажу (91,2 працэнта) і 486,3 тыс. т сіласу (2,54 працэнта).
Усяго ў бягучым годзе плануецца атрымаць 9,3 млн т адзінак травяных кармоў, прычым найбольшая доля прыпадзе на Мінскую і Брэсцкую вобласці. Да гэтага часу нарыхтавана 38,5 працэнта ад плана. Сіласу плануецца нарыхтаваць амаль 19,2 млн т, сенажу - 12,6 млн т (у тым ліку ў палімерную ўпакоўку 1,1 млн т), сена - 1,01 млн т.-0-
