31 ліпеня, Мінск /Кар. БЕЛТА/. Міжнародная канферэнцыя "Argus. Мінеральныя ўгнаенні - 2019. Вытворчасць, гандаль і лагістыка ў краінах СНД і Балтыі" пройдзе 4-6 верасня ў Мінску, паведамілі БЕЛТА арганізатары.
Канферэнцыя прысвечана агляду бягучых тэндэнцый рынку ўгнаенняў у Расіі, Беларусі, Украіне, краінах Сярэдняй Азіі і на іншых суседніх рынках. На канферэнцыі будуць дадзены прагнозы пашырэння вытворчых магутнасцей па выпуску ўгнаенняў і рэалізацыі новых горназдабыўных праектаў на тэрыторыі краін СНД. Удзельнікі абмяркуюць ключавыя аспекты лагістыкі: асаблівасці транспарціроўкі чыгуначным і марскім транспартам, спецыфіку работы партоў і тэрміналаў, магчымасці і перспектывы транзіту па тэрыторыі Беларусі і краін Балтыі.
У мерапрыемстве прымуць удзел вядучыя вытворцы мінеральных угнаенняў з краін СНД, міжнародныя пастаўшчыкі прадукцыі і кампаніі, якія спецыялізуюцца на экспарце і імпарце мінеральных угнаенняў, іх транспарціроўцы і перавалцы. Традыцыйна цікавасць да мерапрыемстваў Argus праяўляюць трэйдары, стывідоры, сюрвееры, экспедытары, брокеры і прадстаўнікі сумежных сегментаў галіны.
Для ўдзельнікаў канферэнцыі будзе арганізавана экскурсія на калійную шахту ААТ "Беларуськалій" у Салігорску.
Генеральны партнёр мерапрыемства - Беларуская калійная кампанія.
Argus Media - міжнароднае цэнавае агенцтва. Кампанія разлічвае каціроўкі і праводзіць аналіз міжнародных таварна-сыравінных рынкаў, а таксама прапануе кліентам спецыялізаваныя кансалтынгавыя паслугі і арганізуе канферэнцыі па галіновай тэматыцы. Каціроўкі Argus выкарыстоўваюцца ў 140 краінах.-0-
