ДЗЯРЖОРГАНЫДЗЯРЖОРГАНЫ
Флаг Чацвер, 1 снежня 2022
Мінск -11°C
Усе навіны
Усе навіны
Эканоміка
06 кастрычніка 2022, 20:00

КДК пачынае маштабныя маніторынгі цэн у гандлёвых аб'ектах

Фота з архіва
Фота з архіва

6 кастрычніка, Мінск /Кар. БЕЛТА/. КДК з сённяшняга дня пачынае маштабныя маніторынгі цэн у гандлёвых аб'ектах. Такая інфармацыя размешчана ў афіцыйным Telegram-канале Камітэта дзяржаўнага кантролю, паведамляе БЕЛТА.

З сённяшняга дня Камітэтам дзяржкантролю будуць адфіксаваны цэны на тавары. Інфармацыя акумулюецца з усіх гандлёвых аб'ектаў краіны. "Цэны з сённяшняга дня не павінны павышацца", - гаворыцца ў паведамленні.

Ужо заўтра Камітэт дзяржкантролю сумесна з іншымі кантралюючымі органамі пачне праводзіць маштабныя кантрольныя мерапрыемствы ў першую чаргу ў гандлёвых аб'ектах. Праверкі будуць датычыцца ўсіх пазіцый харчовых і нехарчовых груп тавараў.

У выпадку выяўлення фактаў павышэння цэн на любыя тавары КДК ва ўзаемадзеянні з Генеральнай пракуратурай і праваахоўнымі органамі будуць прымаць жорсткія меры рэагавання, аж да ўзбуджэння крымінальных спраў.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі