8 верасня, Мінск /Кар. БЕЛТА/. Калмыкія зацікаўлена ў пастаўках беларускіх піламатэрыялаў, паведамілі БЕЛТА ў прэс-службе Беларускай універсальнай таварнай біржы.
Прадстаўнікі Беларусі і Калмыкіі на пасяджэнні рабочай групы па супрацоўніцтве дамовіліся аб правядзенні серыі анлайн-семінараў па біржавой тэматыцы з мэтай азнаямлення дзелавых колаў Калмыкіі з практычнымі аспектамі ўдзелу ў таргах на беларускай біржавой пляцоўцы. Асаблівая ўвага будзе ўдзелена гандлю прадукцыяй аграпрамысловага комплексу і дрэваапрацоўчай прамысловасці. Разглядаецца магчымасць пастаўкі беларускіх піламатэрыялаў у Калмыкію, а ў Беларусь калмыцкіх сельскагаспадарчых тавараў. Акрамя таго, узаемны інтарэс уяўляе ўзаемадзеянне ў галіне імпартазамяшчэння, дзе ў БУТБ ужо набыты значны вопыт і сфарміраваны пул прадаўцоў і пакупнікоў з краін СНД і Кітая.
Акрамя павелічэння тавараабароту Беларусі і Калмыкіі па выніках гэтага года, бакі дамовіліся аб далейшым паглыбленні супрацоўніцтва ў сферы прамысловай вытворчасці, транспарту, лагістыкі, дарожнай гаспадаркі, навукі і культуры, а таксама намецілі канкрэтныя крокі па рэалізацыі дасягнутых дамоўленасцей.-0-
