Фота Гродзенскага аблвыканкама
10 снежня, Гродна /Кар. БЕЛТА/. Развіццё гандлёва-эканамічных сувязей
паміж Гродзенскай вобласцю і Казахстанам абмеркавалі на сустрэчы ў
Гродзенскім аблвыканкаме, перадае карэспандэнт БЕЛТА.
Як адзначыў старшыня Гродзенскага аблвыканкама Юрый Караеў, Беларусь і Казахстан звязваюць даўнія партнёрскія адносіны, заснаваныя на даверы, узаемнай павазе і шматгадовай дружбе. "Беларусь і Казахстан плённа ўзаемадзейнічаюць як на двухбаковым узроўні, так і ў рамках Еўразійскага эканамічнага саюза, СНД, АДКБ, ШАС і на іншых міжнародных пляцоўках. Мы высока цэнім канструктыўны ўклад Казахстана ва ўмацаванне рэгіянальнай стабільнасці, эканамічнага развіцця і гуманітарнага ўзаемадзеяння", - сказаў Юрый Караеў.
Як прагучала на сустрэчы, сёння перад бакамі адкрыты вялікія магчымасці для пашырэння супрацоўніцтва ў гандлі, прамысловасці, аграрным сектары, транспарце, лагістыцы, навуцы, тэхналогіях, культуры і турызме.
Надзвычайны і Паўнамоцны Пасол Казахстана ў Беларусі Цімур Жаксылыкаў адзначыў, што патэнцыял для ўзаемадзеяння вялікі. "Ёсць добрыя ўжо завязкі, якія існуюць па лініі гандлёва-эканамічнага супрацоўніцтва. Мы ўчора аб'язджалі (гродзенскія. - Заўвага БЕЛТА) прадпрыемствы і бачылі, нам расказвалі прадпрымальнікі аб тым, што Казахстан - гэта адзін з вялікіх значных рынкаў, з якімі супрацоўнічаюць гэтыя прадпрыемствы. Спадзяёмся на тое, што казахстанскі экспарт будзе нарастаць у Гродзенскую вобласць, таму што нам таксама ёсць што прапанаваць. У нас высакаякасныя прадукты харчавання, такія як хлебабулачныя вырабы, мука, сланечнікавы алей, мінеральныя воды цудоўнай якасці, шакалад. Мы спадзяёмся, што гродзенцы змогуць бачыць на сваіх прылаўках больш прадукцыі з Казахстана", - падкрэсліў Цімур Жаксылыкаў.
"Мы адкрыты для Казахстана", - канстатаваў старшыня Гродзенскага аблвыканкама. Юрый Караеў звярнуў увагу, што на сустрэчы было абмеркавана і ўзаемадзеянне на міжрэгіянальным узроўні. "Дагавораў (на міжрэгіянальным узроўні. - Заўвага БЕЛТА) падпісана мноства, але рэальнага руху па гэтых гарызантальных сувязях пакуль няшмат. Трэба, каб гродзенцы ўзаемадзейнічалі непасрэдна з рэгіёнамі Казахстана. І такім чынам мы хутчэй убачым, што з таго, што вырабляецца ў нас, патрэбна ў той ці іншай мясцовасці Казахстана і наадварот. Дамовіліся аб тым, што ў будучым годзе будзем старацца развіваць асабістае ўзаемадзеянне старшыні аблвыканкама з акімамі абласцей Казахстана", - сказаў Юрый Караеў.
Паводле слоў Надзвычайнага і Паўнамоцнага Пасла Казахстана ў Беларусі, ёсць таксама вельмі вялікі патэнцыял у развіцці прамысловай кааперацыі. "І вялізныя, вядома, магчымасці ў развіцці турызму, таму што Гродна - гэта рэгіён турыстычны, з вялікай гісторыяй, прыгожай архітэктурай і прыродай. У нас ёсць магчымасць гэта назіраць. Думаю, што з развіццём авіязносін (у нас прамых рэйсаў становіцца больш паміж Мінскам і гарадамі Казахстана) наш турыст казахстанскі больш паедзе сюды. І, вядома, мы заўсёды рады прымаць турыстаў з Беларусі, з Гродзенскай вобласці ў Казахстане. У нас патэнцыял таксама вельмі вялікі. У нас зусім іншая прырода, не такая, як тут, - звярнуў увагу Цімур Жаксылыкаў. - У нас гэта і горы, і стэпы, і пустыні, і лес, і розныя кліматычныя зоны, і мора, і вялізныя азёры. Думаю, што ўсё гэта будзе вельмі цікава для беларускіх турыстаў".
Як прагучала на сустрэчы, дыялог з пасольствам і генконсульствам Казахстана будзе садзейнічаць рэалізацыі новых праектаў, умацаванню дзелавых сувязей і пашырэнню кантактаў паміж краінамі. "Ёсць усе падставы меркаваць, што гэта сустрэча стане важным крокам на шляху да ўмацавання нашага партнёрства і адкрые новыя перспектывы для ўзаемнага супрацоўніцтва", - сказаў на заканчэнне Юрый Караеў.-0-
Як адзначыў старшыня Гродзенскага аблвыканкама Юрый Караеў, Беларусь і Казахстан звязваюць даўнія партнёрскія адносіны, заснаваныя на даверы, узаемнай павазе і шматгадовай дружбе. "Беларусь і Казахстан плённа ўзаемадзейнічаюць як на двухбаковым узроўні, так і ў рамках Еўразійскага эканамічнага саюза, СНД, АДКБ, ШАС і на іншых міжнародных пляцоўках. Мы высока цэнім канструктыўны ўклад Казахстана ва ўмацаванне рэгіянальнай стабільнасці, эканамічнага развіцця і гуманітарнага ўзаемадзеяння", - сказаў Юрый Караеў.
Як прагучала на сустрэчы, сёння перад бакамі адкрыты вялікія магчымасці для пашырэння супрацоўніцтва ў гандлі, прамысловасці, аграрным сектары, транспарце, лагістыцы, навуцы, тэхналогіях, культуры і турызме.
Надзвычайны і Паўнамоцны Пасол Казахстана ў Беларусі Цімур Жаксылыкаў адзначыў, што патэнцыял для ўзаемадзеяння вялікі. "Ёсць добрыя ўжо завязкі, якія існуюць па лініі гандлёва-эканамічнага супрацоўніцтва. Мы ўчора аб'язджалі (гродзенскія. - Заўвага БЕЛТА) прадпрыемствы і бачылі, нам расказвалі прадпрымальнікі аб тым, што Казахстан - гэта адзін з вялікіх значных рынкаў, з якімі супрацоўнічаюць гэтыя прадпрыемствы. Спадзяёмся на тое, што казахстанскі экспарт будзе нарастаць у Гродзенскую вобласць, таму што нам таксама ёсць што прапанаваць. У нас высакаякасныя прадукты харчавання, такія як хлебабулачныя вырабы, мука, сланечнікавы алей, мінеральныя воды цудоўнай якасці, шакалад. Мы спадзяёмся, што гродзенцы змогуць бачыць на сваіх прылаўках больш прадукцыі з Казахстана", - падкрэсліў Цімур Жаксылыкаў.
"Мы адкрыты для Казахстана", - канстатаваў старшыня Гродзенскага аблвыканкама. Юрый Караеў звярнуў увагу, што на сустрэчы было абмеркавана і ўзаемадзеянне на міжрэгіянальным узроўні. "Дагавораў (на міжрэгіянальным узроўні. - Заўвага БЕЛТА) падпісана мноства, але рэальнага руху па гэтых гарызантальных сувязях пакуль няшмат. Трэба, каб гродзенцы ўзаемадзейнічалі непасрэдна з рэгіёнамі Казахстана. І такім чынам мы хутчэй убачым, што з таго, што вырабляецца ў нас, патрэбна ў той ці іншай мясцовасці Казахстана і наадварот. Дамовіліся аб тым, што ў будучым годзе будзем старацца развіваць асабістае ўзаемадзеянне старшыні аблвыканкама з акімамі абласцей Казахстана", - сказаў Юрый Караеў.
Паводле слоў Надзвычайнага і Паўнамоцнага Пасла Казахстана ў Беларусі, ёсць таксама вельмі вялікі патэнцыял у развіцці прамысловай кааперацыі. "І вялізныя, вядома, магчымасці ў развіцці турызму, таму што Гродна - гэта рэгіён турыстычны, з вялікай гісторыяй, прыгожай архітэктурай і прыродай. У нас ёсць магчымасць гэта назіраць. Думаю, што з развіццём авіязносін (у нас прамых рэйсаў становіцца больш паміж Мінскам і гарадамі Казахстана) наш турыст казахстанскі больш паедзе сюды. І, вядома, мы заўсёды рады прымаць турыстаў з Беларусі, з Гродзенскай вобласці ў Казахстане. У нас патэнцыял таксама вельмі вялікі. У нас зусім іншая прырода, не такая, як тут, - звярнуў увагу Цімур Жаксылыкаў. - У нас гэта і горы, і стэпы, і пустыні, і лес, і розныя кліматычныя зоны, і мора, і вялізныя азёры. Думаю, што ўсё гэта будзе вельмі цікава для беларускіх турыстаў".
Як прагучала на сустрэчы, дыялог з пасольствам і генконсульствам Казахстана будзе садзейнічаць рэалізацыі новых праектаў, умацаванню дзелавых сувязей і пашырэнню кантактаў паміж краінамі. "Ёсць усе падставы меркаваць, што гэта сустрэча стане важным крокам на шляху да ўмацавання нашага партнёрства і адкрые новыя перспектывы для ўзаемнага супрацоўніцтва", - сказаў на заканчэнне Юрый Караеў.-0-
Падпісвайцеся на нас у
