30 лістапада, Мінск /Кар. БЕЛТА/. Усе буйныя прамысловыя прадпрыемствы краіны працуюць стабільна. Аб гэтым заявіў прэм'ер-міністр Раман Галоўчанка сёння ў час сустрэчы з дэпутатамі Палаты прадстаўнікоў і членамі Савета Рэспублікі ў Авальнай зале, перадае карэспандэнт БЕЛТА.
"Стабільна працуюць усе буйныя прамысловыя прадпрыемствы. У кастрычніку павялічылася вытворчасць грузавых аўтамабіляў на 86 працэнтаў, кар'ерных самазвалаў - на 22 працэнты, трактароў - на 7 працэнтаў, аўтобусаў - на 5 працэнтаў, ліфтаў - на 43 працэнты, электрарухавікоў і генератараў - на 8 працэнтаў, хімічных валокнаў - на 11 працэнтаў, цэлюлозы - на 22 працэнты", - сказаў Раман Галоўчанка.
Паводле яго слоў, паляпшаюцца фінансавыя вынікі работы прадпрыемстваў. "За студзень - верасень у параўнанні з аналагічным перыядам мінулага года выручка павялічылася на 10,6 працэнта, апярэдзіўшы рост сабекошту. Прыбытак ад рэалізацыі вырас на 22,8 працэнта, чысты прыбытак - на 12,2 працэнта (склаў Br14 млрд). Рэнтабельнасць продажаў - 8,9 працэнта. Гэта лепшыя паказчыкі за апошнія 7 гадоў", - падкрэсліў прэм'ер-міністр.
Кіраўнік урада адзначыў, што зніжана даўгавая нагрузка прадпрыемстваў. "Суадносіны сукупнага доўгу і выручкі складаюць сёння 48,1 працэнта. Доля стратных арганізацый скарацілася да мінімальнага значэння 13,2 працэнта", - паведаміў ён.-0-
