30 лістапада, Мінск /Кар. БЕЛТА/. Эканоміка дэманструе ўстойлівасць і адаптыўнасць да знешніх шокаў. Аб гэтым заявіў прэм'ер-міністр Раман Галоўчанка сёння ў час сустрэчы з дэпутатамі Палаты прадстаўнікоў і членамі Савета Рэспублікі ў Авальнай зале, перадае карэспандэнт БЕЛТА.
"Вынікі гэтага года закладваюць базу, ад якой мы адштурхоўваемся пры прагназаванні і рэалізацыі задач 2023 года", - сказаў Раман Галоўчанка.
Паводле яго слоў, у бягучым годзе эканоміка функцыянуе ў няпростых умовах знешняга санкцыйнага націску і гандлёвых абмежаванняў. Гэтыя фактары прадаўжаюць аказваць уплыў на стан дзелавой і інвестыцыйнай актыўнасці", - адзначыў кіраўнік урада.
"Пад істотныя гандлёвыя абмежаванні падпалі эканомікафарміруючыя галіны прамысловасці. Асноўны ўдар прынялі на сябе буйныя прамысловыя і валаўтваральныя прадпрыемствы. Праз гэтыя сектары санкцыі накладваюцца і на сумежныя сектары эканомікі, перш за ўсё на аптовы гандаль і перавозкі", - расказаў прэм'ер-міністр.
Урад прыняў шэраг контрмер па падтрымцы вытворцаў тавараў і паслуг. Сістэмна актывізаваў работу па вырашэнні пытанняў лагістыкі, пераарыентацыі экспарту і выхадзе на новыя рынкі.
"Нягледзячы на значнае пагаршэнне ўмоў работы ў бягучым годзе, эканоміка ў цэлым дэманструе добрую ўстойлівасць і адаптыўнасць да знешніх шокаў. Гэта падкрэслівае адэкватнасць і дзейснасць прынятых і прымаемых мер", - падкрэсліў Раман Галоўчанка".-0-
