Фота з архіва
23 верасня, Мінск /Кар. БЕЛТА/. Эксперты краін ЕАЭС і Узбекістана вызначылі контуры адзінай сістэмы біржавых індыкатараў, паведамілі БЕЛТА ў прэс-службе Беларускай універсальнай таварнай біржы.
Практычныя аспекты разліку, распаўсюджвання і прымянення біржавых цэнавых індыкатараў у краінах ЕАЭС+ (Арменія, Беларусь, Казахстан, Кыргызстан, Расія і Узбекістан) сталі ключавымі пытаннямі на парадку дня праведзенага ў Маскве пасяджэння рабочай групы па фарміраванні міжнароднай біржавой сістэмы індыкатараў таварных рынкаў. У мерапрыемстве прынялі ўдзел прадстаўнікі аналітычных службаў Беларускай універсальнай таварнай біржы (БУТБ), Кыргызскай фондавай біржы (КФБ), Пецярбургскай біржы і Узбекскай рэспубліканскай таварна-сыравіннай біржы (УзРТСБ).
У рамках работы па ўніфікацыі падыходаў да стварэння міжнароднай сістэмы індыкатараў разгледжаны асноўныя складнікі гэтай сістэмы, асаблівасці яе функцыянавання і ўзаемадзеянне біржаў, уключаных у рэалізацыю гэтага праекта. Сярод іншага ўдзельнікі пасяджэння абмеркавалі пералік тавараў, па якіх будуць разлічвацца індыкатары, узаемнае прызнанне нацыянальных метадалогій разліку індыкатараў і фармат іх публікацыі. Старшы кіраючы дырэктар Пецярбургскай біржы Уладлена Рубцова акцэнтавала ўвагу на шырокім масіве даных, які маюць біржы - удзельніцы праекта. Паводле яе слоў, гэта не толькі інфармацыя па біржавым рынку, але і звесткі аб пазабіржавой рэалізацыі біржавых тавараў. Прычым усе гэтыя даныя заснаваны на рэальных здзелках.
У ходзе пасяджэння прадстаўнікі біржаў мелі магчымасць падзяліцца інфармацыяй аб практыцы і асаблівасцях прымянення таварных індыкатараў у дзяржаўным рэгуляванні і бізнесе ў сваіх краінах. Напрыклад, у Беларусі цэнавыя індыкатары закрануць будучыя змяненні ў заканадаўстве аб біржавым гандлі. Так, новую рэдакцыю закона "Аб таварных біржах" плануецца дапоўніць азначэннем тэрміна "біржавыя цэнавыя індэксы", уключыць разлік індэксаў у пералік асноўных функцый таварнай біржы і ўстанавіць парадак зацвярджэння метадалогіі разліку такіх індыкатараў.
"Улічваючы актуальнасць пытання пабудовы ўласнай сістэмы цэнавых індыкатараў, БУТБ сумесна з прадстаўнікамі Белстата, МАРГ, Мінэканомікі, а таксама навуковай супольнасці Беларусі распрацаваны і са студзеня 2025 года паспяхова ўкаранёны цэнавыя індэксы па біржавых здзелках на круглыя лесаматэрыялы, пілапрадукцыю, сметанковае масла, чорныя металы і шроты алейных культур. Акрамя таго, у бліжэйшай перспектыве плануецца пашырыць лінейку індэксаў па біржавым рынку і пачаць публікацыю індыкатараў, заснаваных на даных аб пазабіржавых здзелках. Пры гэтым варта адзначыць, што сёння нашы індэксы паўнацэнна выкарыстоўваюцца ў якасці цэнавага арыенціра не толькі ўдзельнікамі рынку і дзяржаўнымі органамі Беларусі, але і запатрабаваны за межамі краіны. У прыватнасці, іх ужо актыўна прымяняюць замежныя аналітыкі пры прагназаванні дынамікі цэн на малочную прадукцыю", - расказаў начальнік упраўлення аналітыкі і перспектыўнага развіцця БУТБ Віталь Машчанка.
ААТ "Беларуская ўніверсальная таварная біржа" створана ў 2004 годзе. Першыя таргі адбыліся ў чэрвені 2005 года. БУТБ - адна з буйнейшых таварных біржаў ва Усходняй Еўропе. Яе галоўная функцыя - садзейнічанне беларускім прадпрыемствам у экспарце прадукцыі і дапамога замежным кампаніям у выхадзе на беларускі рынак. На біржы прадаецца метала-, леса-, сельгаспрадукцыя, прамысловыя і спажывецкія тавары шырокай наменклатуры.-0-
Практычныя аспекты разліку, распаўсюджвання і прымянення біржавых цэнавых індыкатараў у краінах ЕАЭС+ (Арменія, Беларусь, Казахстан, Кыргызстан, Расія і Узбекістан) сталі ключавымі пытаннямі на парадку дня праведзенага ў Маскве пасяджэння рабочай групы па фарміраванні міжнароднай біржавой сістэмы індыкатараў таварных рынкаў. У мерапрыемстве прынялі ўдзел прадстаўнікі аналітычных службаў Беларускай універсальнай таварнай біржы (БУТБ), Кыргызскай фондавай біржы (КФБ), Пецярбургскай біржы і Узбекскай рэспубліканскай таварна-сыравіннай біржы (УзРТСБ).
У рамках работы па ўніфікацыі падыходаў да стварэння міжнароднай сістэмы індыкатараў разгледжаны асноўныя складнікі гэтай сістэмы, асаблівасці яе функцыянавання і ўзаемадзеянне біржаў, уключаных у рэалізацыю гэтага праекта. Сярод іншага ўдзельнікі пасяджэння абмеркавалі пералік тавараў, па якіх будуць разлічвацца індыкатары, узаемнае прызнанне нацыянальных метадалогій разліку індыкатараў і фармат іх публікацыі. Старшы кіраючы дырэктар Пецярбургскай біржы Уладлена Рубцова акцэнтавала ўвагу на шырокім масіве даных, які маюць біржы - удзельніцы праекта. Паводле яе слоў, гэта не толькі інфармацыя па біржавым рынку, але і звесткі аб пазабіржавой рэалізацыі біржавых тавараў. Прычым усе гэтыя даныя заснаваны на рэальных здзелках.
У ходзе пасяджэння прадстаўнікі біржаў мелі магчымасць падзяліцца інфармацыяй аб практыцы і асаблівасцях прымянення таварных індыкатараў у дзяржаўным рэгуляванні і бізнесе ў сваіх краінах. Напрыклад, у Беларусі цэнавыя індыкатары закрануць будучыя змяненні ў заканадаўстве аб біржавым гандлі. Так, новую рэдакцыю закона "Аб таварных біржах" плануецца дапоўніць азначэннем тэрміна "біржавыя цэнавыя індэксы", уключыць разлік індэксаў у пералік асноўных функцый таварнай біржы і ўстанавіць парадак зацвярджэння метадалогіі разліку такіх індыкатараў.
"Улічваючы актуальнасць пытання пабудовы ўласнай сістэмы цэнавых індыкатараў, БУТБ сумесна з прадстаўнікамі Белстата, МАРГ, Мінэканомікі, а таксама навуковай супольнасці Беларусі распрацаваны і са студзеня 2025 года паспяхова ўкаранёны цэнавыя індэксы па біржавых здзелках на круглыя лесаматэрыялы, пілапрадукцыю, сметанковае масла, чорныя металы і шроты алейных культур. Акрамя таго, у бліжэйшай перспектыве плануецца пашырыць лінейку індэксаў па біржавым рынку і пачаць публікацыю індыкатараў, заснаваных на даных аб пазабіржавых здзелках. Пры гэтым варта адзначыць, што сёння нашы індэксы паўнацэнна выкарыстоўваюцца ў якасці цэнавага арыенціра не толькі ўдзельнікамі рынку і дзяржаўнымі органамі Беларусі, але і запатрабаваны за межамі краіны. У прыватнасці, іх ужо актыўна прымяняюць замежныя аналітыкі пры прагназаванні дынамікі цэн на малочную прадукцыю", - расказаў начальнік упраўлення аналітыкі і перспектыўнага развіцця БУТБ Віталь Машчанка.
ААТ "Беларуская ўніверсальная таварная біржа" створана ў 2004 годзе. Першыя таргі адбыліся ў чэрвені 2005 года. БУТБ - адна з буйнейшых таварных біржаў ва Усходняй Еўропе. Яе галоўная функцыя - садзейнічанне беларускім прадпрыемствам у экспарце прадукцыі і дапамога замежным кампаніям у выхадзе на беларускі рынак. На біржы прадаецца метала-, леса-, сельгаспрадукцыя, прамысловыя і спажывецкія тавары шырокай наменклатуры.-0-
Падпісвайцеся на нас у
