Фота з архіва
11 студзеня, Мінск /Кар. БЕЛТА/. Экспарт будаўніча-мантажных работ за студзень - лістапад 2023 года павялічыўся прыкладна на 7 працэнтаў. Аб гэтым расказаў міністр архітэктуры і будаўніцтва Руслан Пархамовіч на сустрэчы з калектывам ААТ "Трэст Белпрамналадка", паведамілі БЕЛТА ў прэс-службе Мінбудархітэктуры.
Паводле слоў Руслана Пархамовіча, ацэнка прафесійных дасягненняў і якасці работы пачынаецца з лічбаў. "Наша краіна знайшла свой шлях. Рэспубліка дынамічна развіваецца. Якасць пацвярджаецца ў тым ліку дадатнай дынамікай развіцця экспарту. Расія застаецца для айчыннага будкомплексу асноўным экспартным напрамкам", - адзначыў ён.
Калі гаварыць толькі пра будгаліну і вытворчасць будматэрыялаў, то па шэрагу пазіцый быў дасягнуты гістарычны максімум, заявіў міністр. "Так, у Расійскую Федэрацыю паставілі больш за 2 млн т цэменту. Такі аб'ём на знешнія рынкі мы ніколі не пастаўлялі. І гэта, звяртаю ўвагу, ва ўмовах санкцыйных абмежаванняў. Акрамя таго, за 2022-2023 гады ўдалося знайсці новыя рынкі збыту. Якасць нашай прадукцыі высока ацанілі спажыўцы", - расказаў ён.
Дадатныя вынікі дасягнуты і па будаўніча-мантажных работах, адзначыў Руслан Пархамовіч. "Тэмп росту экспарту за 11 месяцаў 2023 года склаў каля 107 працэнтаў ад узроўню мінулага года", - падзяліўся вынікамі работы галіны міністр.
У мерапрыемстве таксама прынялі ўдзел генеральны дырэктар РУП "Белбудцэнтр" Аляксей Маліноўскі і кіраўнік ААТ "Трэст Белпрамналадка" Максім Шутаў.-0-
Паводле слоў Руслана Пархамовіча, ацэнка прафесійных дасягненняў і якасці работы пачынаецца з лічбаў. "Наша краіна знайшла свой шлях. Рэспубліка дынамічна развіваецца. Якасць пацвярджаецца ў тым ліку дадатнай дынамікай развіцця экспарту. Расія застаецца для айчыннага будкомплексу асноўным экспартным напрамкам", - адзначыў ён.
Калі гаварыць толькі пра будгаліну і вытворчасць будматэрыялаў, то па шэрагу пазіцый быў дасягнуты гістарычны максімум, заявіў міністр. "Так, у Расійскую Федэрацыю паставілі больш за 2 млн т цэменту. Такі аб'ём на знешнія рынкі мы ніколі не пастаўлялі. І гэта, звяртаю ўвагу, ва ўмовах санкцыйных абмежаванняў. Акрамя таго, за 2022-2023 гады ўдалося знайсці новыя рынкі збыту. Якасць нашай прадукцыі высока ацанілі спажыўцы", - расказаў ён.
Дадатныя вынікі дасягнуты і па будаўніча-мантажных работах, адзначыў Руслан Пархамовіч. "Тэмп росту экспарту за 11 месяцаў 2023 года склаў каля 107 працэнтаў ад узроўню мінулага года", - падзяліўся вынікамі работы галіны міністр.
У мерапрыемстве таксама прынялі ўдзел генеральны дырэктар РУП "Белбудцэнтр" Аляксей Маліноўскі і кіраўнік ААТ "Трэст Белпрамналадка" Максім Шутаў.-0-
