Мабільная версія
ДЗЯРЖОРГАНЫ

Апошнія навіны
Усе навіны

ЕЭК адзначае эфект ад імпартазамяшчэння і рост кааперацыі ў прамысловасці ЕАЭС

Эканоміка 20.11.2019 | 11:22
Фота з архіва
Фота з архіва

20 лістапада, Масква /Эдуард Півавар - БЕЛТА/. У Еўразійскай эканамічнай камісіі адзначаюць рэзультатыўнасць працэсаў імпартазамяшчэння ў прамысловасці краін Еўразійскага эканамічнага саюза і рост кааперацыйных паставак прамысловай прадукцыі. Такія вывады змешчаны ў дакладзе аб выніках маніторынгу рынку прамысловай прадукцыі ў ЕАЭС, які адобраны на пасяджэнні Калегіі ЕЭК, паведамілі БЕЛТА ў прэс-службе камісіі.

"Даклад змяшчае комплексны аналіз параметраў рынку прамысловай прадукцыі саюза, які ўключае супастаўленне вытворчасці, знешняга і ўзаемнага гандлю прамысловымі таварамі ў галіновым і краінавым разрэзах, - адзначылі ў прэс-службе. - Таксама ў дакуменце адлюстраваны вынікі праводзімага прамысловым блокам камісіі дэталёвага аналізу кааперацыйных паставак як паміж дзяржавамі - членамі ЕАЭС, так і ў гандлі з трэцімі краінамі".

У дакладзе адзначаецца, што па выніках 2018 года агульны рынак прамысловай прадукцыі саюза прадоўжыў рост як у фізічным, так і ў вартасным вымярэнні - на 6,2 працэнта і 2,2 працэнта адпаведна. "Пры гэтым з 2015 года прадаўжаецца паступовае зніжэнне прысутнасці на рынку саюза імпартнай прамысловай прадукцыі за кошт росту паставак вытворцамі на свае нацыянальныя рынкі, а таксама ў рамках узаемнага гандлю паміж дзяржавамі ЕАЭС, - заявілі ў ЕЭК. - Гэта абставіна сведчыць аб рэзультатыўнасці праводзімых краінамі саюза праграм імпартазамяшчэння".

Інтэграцыйныя працэсы ў ЕАЭС аказваюць пазітыўны ўплыў на развіццё прамысловай кааперацыі паміж краінамі, якія ўваходзяць у яго, у выніку чаго ў 2018 годзе рост кааперацыйных паставак у ЕАЭС апярэджваў тэмпы нарошчвання прамысловай вытворчасці. "Так, у 2018 годзе вартасны аб'ём кааперацыйных паставак паміж дзяржавамі ЕАЭС у апрацоўчай прамысловасці павялічыўся на 8,8 працэнта, у той час як аб'ём прамысловай вытворчасці - на 6,6 працэнта", - падкрэслілі ў прэс-службе.

"У мэтах забеспячэння каардынацыі намаганняў, накіраваных на стымуляванне вытворчасці на тэрыторыі ЕАЭС інавацыйнай, канкурэнтаздольнай і запатрабаванай на рынку саюза прамысловай прадукцыі, у дакладзе прадстаўлены аналіз рынку на ўзроўні 6-значных таварных пазіцый. Ён дасць магчымасць дзяржаўным органам краін саюза, а таксама вытворцам і спажыўцам з краін ЕАЭС атрымаць інфармацыю аб патрэбнасцях і вытворчых магчымасцях партнёраў па інтэграцыйным аб'яднанні, дапаможа ў пошуку партнёраў для развіцця вытворчай кааперацыі", - дадалі ў ЕЭК.

Падрыхтоўка такога даклада прадугледжана ключавым стратэгічным дакументам у сферы прамысловасці - асноўнымі напрамкамі прамысловага супрацоўніцтва ў ЕАЭС.-0-

Версія для друку
Навіны рубрыкі Эканоміка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Кіеў
Ліда
Мінск
Магілёў
Магілёў
Мозыр
Масква
Орша
Полацк
Рыга
Санкт-Пецярбург
Салігорск
Салігорск

Інфаграфіка

Час стаць прыкметным! У асенне-зімовы перыяд у цёмны час сутак традыцыйна павялічваецца колькасць ДТЗ з удзелам пешаходаў і веласіпедыстаў.