Мабільная версія
ДЗЯРЖОРГАНЫ

Апошнія навіны
Усе навіны

ЕБРР разлічвае да канца года нарасціць крэдытны партфель у Беларусі да 700 млн еўра

Эканоміка 14.09.2018 | 12:30
Фота з архіва
Фота з архіва

14 верасня, Мінск /Кар. БЕЛТА/. Еўрапейскі банк рэканструкцыі і развіцця разлічвае да канца года нарасціць крэдытны партфель у Беларусі да 700 млн еўра, паведаміў сёння на прэс-канферэнцыі кіраўнік прадстаўніцтва ЕБРР у Беларусі Аляксандр Піваварскі, перадае карэспандэнт БЕЛТА.

"На пачатак года партфель налічваў 500 млн еўра. Паводле ацэнкі, да канца года партфель будзе ў раёне 650-700 млн еўра, гэта залежыць у тым ліку ад таго, колькі выплат будзе па старых праектах", - сказаў Аляксандр Піваварскі.

З пачатку года ЕБРР падпісаў у Беларусі 16 праектаў на агульную суму амаль 230 млн еўра, або каля $270 млн, і гэты аб'ём перасягнуў ужо ўсе аперацыі мінулага года (163 млн еўра). "Мы прадаўжаем нарошчваць аперацыі ў Беларусі і спадзяёмся ў гэтым годзе падпісаць некалькі цікавых здзелак у дзяржаўным і прыватным сектары. Магчыма, гэта будзе самы паспяховы год за ўсю гісторыю дзейнасці банка ў Беларусі", - адзначыў кіраўнік прадстаўніцтва ЕБРР.

У ліку перспектыўных здзелак ён назваў прыцягненне сумесна з ЕБРР сіндыкаванага крэдыту для Белінвестбанка, праект з мінскім водаканалам. "З прыватным сектарам абмяркоўваюцца іншыя, значныя праекты. Рыхтуецца вялікі набор праектаў з дзяржаўным сектарам. У наступным месяцы будзе запуск праекта дзяржаўна-прыватнага партнёрства. Засталіся, спадзяёмся, апошнія дні да аб'яўлення роўд-шоу, вываду праекта на рынак. Затым будзем абмяркоўваць з урадам, калі яго запусцім і якія наступныя праекты па ДПП зможам развіваць далей. Прадаўжаецца вельмі актыўная работа", - сказаў Аляксандр Піваварскі.

Беларусь з'яўляецца членам Еўрапейскага банка рэканструкцыі і развіцця з 1992 года. З пачатку сваёй дзейнасці ў Беларусі ЕБРР інвесціраваў больш за 2 млрд еўра ў праекты ў розных сектарах эканомікі краіны. На гэтым тыдні з візітам у Беларусі знаходзіцца дэлегацыя Савета дырэктараў ЕБРР. Гэта яе першы візіт пасля прыняцця новай краінавай стратэгіі банка ў 2016 годзе. Згодна са стратэгіяй, работа з ЕБРР сканцэнтравана на перадпрыватызацыйнай падтрымцы арганізацый фінансавага і прамысловага сектараў эканомікі і на падтрымцы малога і сярэдняга прадпрымальніцтва, прыватнага сектара. Сумесна з ЕБРР у ​​Беларусі прадаўжаецца рэалізацыя дзеючых і пачалася падрыхтоўка новых праектаў у сферах водаадвядзення і водазабеспячэння, энергаэфектыўнасці, транспарту.-0-

Версія для друку
Навіны рубрыкі Эканоміка
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Перанос рабочых дзён у 2019 годзе 2 студзеня з'яўляецца рабочым днём. Рабочы дзень з панядзелка 6 мая пераносіцца на суботу 4 мая; з серады 8 мая - на суботу 11 мая (выхадныя - 5, 6, 7, 8, 9 мая).