7 кастрычніка, Мінск /Кар. БЕЛТА/. У мытных органах з кастрычніка прымяняецца сістэма імгненных плацяжоў: мытня даведваецца аб сродках, што паступілі, на працягу хвіліны з моманту іх выплаты. Гэта дае магчымасць паскорыць мытнае афармленне, паведамілі БЕЛТА ў ДМК.
"Імгненныя плацяжы - гэта ў першую чаргу магчымасць аператыўнага (на працягу 1-2 хвілін) атрымання мытнымі органамі інфармацыі аб мытных плацяжах, што паступілі праз сістэму імгненных плацяжоў. Час паступлення плацяжоў у звычайным парадку (па сістэме BISS) складае каля 2-3 гадзін з моманту выплаты", - растлумачылі ў ДМК.
Акрамя таго, сістэма імгненных плацяжоў дае магчымасць ажыццяўляць аплату кругласутачна ў рэжыме 24/7/365, гэта значыць, сістэма даступна для правядзення імгненных плацяжоў 24 гадзіны ў суткі 7 дзён у тыдзень 365 (366) дзён у годзе, забяспечваючы пры гэтым рэжым часу, максімальна набліжаны да рэальнага. Нават у выпадку выплаты ноччу або ў выхадны дзень інфармацыя аб выплаце такіх плацяжоў будзе даступна мытным органам на працягу некалькіх хвілін, адзначылі ў ДМК.-0-
